CONTENT WARNING

The contents of this blog and the language used herein are "mature" and suited only for non-idiot adults. Stay away if you do not wish to be offended. You've been warned !

Jul 28, 2009

പൈങ്കിളിവിപ്ലവത്തിന്റെ ഇണ്ടലുകള്‍

ഉമ്മന്‍ ചാണ്ടിയുടെ കാലത്ത്‌ സ്മാര്‍ട്ട്‌ സിറ്റിയുമായി ബന്ധപ്പെട്ട്‌ സി. അര്‍ നീലകണ്ഠന്‍ എടുത്ത “ജനപക്ഷ” നിലപാടുകള്‍ വ്യക്തമാക്കുന്ന ലേഖനത്തെ (സമകാലിക മലയാളം) അച്യുതാനന്ദന്റെ കാലത്തെ നിലപാടുകളുമായി താരതമ്യം ചെയ്യുന്ന ഒരു പോസ്റ്റ് കിരണ്‍ തോമസ് തോമ്പില്‍ ഇട്ടിരിക്കുന്നു - “ആരായിരുന്നു ഈ നീലകണ്ഠന്‍ ”. അതിന്റെ പശ്ചാത്തലത്തിലെഴുതിയ കമന്റാണിത്. നീളം കൂടിയതുകൊണ്ട് പോസ്റ്റായി ഇട്ടിട്ട് അങ്ങോട്ട് ലിങ്കുന്നു.
ജനമെന്ന “കഴുതക്കൂട്ട”ത്തിന് ഓര്‍മ്മ തീരെ കുറവാണല്ലോ, ഈ വക സാധനങ്ങള്‍ അച്ചടിച്ച് ജനത്തിന്റെ അണ്ണാക്കിലോട്ട് തള്ളുന്ന പത്രപുംഗവന്മാരാണെങ്കില്‍ ഈ ഗുണ്ടൊക്കെ അടിച്ചുവിടുന്നവന്മാര് പിന്നീട് നിലപാടുകള്‍ പുന:പരിശോധിക്കുമ്പോഴെങ്കിലും പണ്ട് അടിച്ചുകൂട്ടിയ വിവരക്കേടുകള്‍ ഒന്നെടുത്ത് മറിച്ചു നോക്കുകില്ല. ഏതായാലും ബ്ലോഗിന് ഒരുത്തനേയും ഒന്നും ബോധ്യപ്പെടുത്തേണ്ട ബാധ്യതയില്ലാത്തത് നന്നായി.


യു.ഡി.എഫ് കാലത്തെ നീലാണ്ടന്റെ സ്മാര്‍ട്ട് സിറ്റി വധം ആട്ടക്കഥയില്‍ നിന്ന് തെരഞ്ഞെടുത്ത കഷ്ണങ്ങള്‍ :

IT അനുബന്ധ വ്യവസായ വികസനത്തിനുള്ള പദ്ധതിയാണ്‌ എങ്കില്‍ ഈ നഗരത്തിനകത്ത്‌ ആവാസ കേന്ദ്രങ്ങളും സ്കൂളുകളും വിനോദ കോമ്പ്ലക്സുകളും മറ്റും സ്ഥാപിക്കുന്നതെന്തിന്‌.
നീലാണ്ടന്‍ ഐ.എസ്.ഓ മുദ്ര വച്ച് അപ്രൂവലു കൊടുത്ത അച്ചുമ്മാന്റെ പുതിയ സ്മാര്‍ട്ട്സിറ്റിയില്‍ ആവാസകേന്ദ്രങ്ങളുമില്ല, സ്കൂളുമില്ല, വിനോദകോമ്പ്ലക്സുമുണ്ടാകില്ല. 12% ഫ്രീഹോള്‍ഡ് കിട്ടുന്ന ഭൂമിയില്‍ ഡി.ഐ.സിക്കാരന്‍ കിളിത്തട്ടും കുട്ടിയും കോലുമൊക്കെ കളിച്ചിരിക്കും ! 88ലക്ഷം ചതുരശ്ര അടിയിലെ 62ലക്ഷം ചതുരശ്ര അടി (70%) കഴിച്ച് ബാക്കിയുള്ള സ്ഥലത്ത് ഡി.ഐ.സിക്കാര് പുല്ല് വളര്‍ത്തും, എന്നിട്ട് ആടിനെ മേയ്ക്കാന്‍ വിടും.

ടെക്നോപര്‍ക്കില്‍ 50% സ്ഥലം ഒഴിഞ്ഞു കിടക്കുന്നു. നിര്‍ദ്ദിഷ്ട സ്മാര്‍ട്ട്‌ സിറ്റി പ്രദേശത്തുള്ള ഇന്‍ഫോപര്‍ക്കില്‍ 365000 ചതുരശ്ര അടി പണിത കെട്ടിടമുണ്ട്‌. കാക്കനാട്‌ തന്നെ കയറ്റുമതി വികസനത്തിനായുള്ള പ്രത്യേക സമ്പത്തിക മേഖല യിലെ(SEZ) ധാരാളം കമ്പനികള്‍ പൂട്ടിപ്പോയ സ്ഥലം ഒഴിഞ്ഞു കിടപ്പുണ്ട്‌. ഇവിടെയും പല IT കമ്പനികള്‍ പ്രവര്‍ത്തിക്കുന്നു. ഇതെല്ലാം കഴിഞ്ഞിട്ട്‌ പോരെ പുതിയൊരു സ്മാര്‍ട്ട്‌ സിറ്റി.
ഓ, അച്ചുമ്മാന്‍ വരദമുദ്രനീട്ടിയതോടെ ടെക്നൊപ്പാര്‍ക്കില്‍ കമ്പനികള്‍ കെടന്ന് തള്ളാണ്. ഒരിഞ്ച് സ്ഥലമില്ല. ഇന്‍ഫോപാര്‍ക്കില്‍ പണിത കെട്ടിടത്തില്‍ ആളെ മുട്ടിയിട്ട് നടക്കാന്‍ വയ്യാതായി. കാക്കനാട്ടെ സെസിലാണെങ്കില്‍ സ്ഥലം ഇല്ലാഞ്ഞിട്ട് വാങ്ങാന്‍ ചന്ദ്രനിലോട്ട് ആളെ അയച്ചിരിക്കുകയാണ്. പുതിയ സ്മാര്‍ട്ട്സിറ്റി "ഇതെല്ലാം കഴിഞ്ഞിട്ട്" ആണല്ലോ വന്നിരിക്കുന്നത്. അതുകൊണ്ട് ഒന്നും ഇനി ഭയപ്പെടാനില്ല.

ദുബൈ ഇന്റര്‍നെറ്റ്‌ സിറ്റി പേര്‍ സൂചിപ്പിക്കുന്നതുപോലെ IT സ്ഥാപനമല്ല എന്നതിന്റെ വെബ്‌ സൈറ്റ്‌ സന്ദര്‍ശിക്കുന്ന ആര്‍ക്കും മനസിലാകും. അത്‌ വെറുമൊരു സ്വകാര്യ പശ്ചത്തല വികസന കമ്പനിയാണ്‌. നമ്മുടെ നാട്ടി കിന്‍ഫ്ര ചെയ്യുന്നത്‌ പോലെ സ്ഥലമടക്കമുള്ള അടിസ്ഥാന സൗകര്യങ്ങള്‍ ഒരുക്കിക്കൊടുക്കുന സ്ഥാപനം .
നീലാണ്ടന്‍ ലേഖനമെഴുതിയതും അച്ചുമ്മാന്‍ പൂക്കുലതുള്ളിയതും കണ്ടിട്ടായിരിക്കണം, ദുബായ് കമ്പനി പശ്ചാത്തലവികസനമെന്ന പരിപാടിയേ അങ്ങുപേക്ഷിച്ചത്. പുതിയ കരാറൊപ്പിട്ടതോടെ പാവങ്ങള് കടലിലെ വെള്ളം അളക്കുന്നതിന്റെ കോണ്ട്രാക്റ്റര്‍മാരായി മാറി. അരുണ്‍ മോന്റെ ഓരോ ലീലാവിലാസങ്ങള്, ശോ !

ഇവിടെ സര്‍ക്കാര്‍ സൗജന്യമായി നല്‍കുന്ന ഭൂമി ഏക്കറിന്‌ രണ്ടും മൂന്നും കോടി രൂപക്ക്‌ മുറിച്ച്‌ മറിച്ച്‌ വില്‍ക്കുകയെന്ന ഒറ്റജോലിയല്ലെ ഉള്ളത്‌...ഈ ഇടപാടില്‍ ഇത്രവലിയൊരു ലാഭം ഈ വിദേശ കമ്പനിക്ക്‌ കിട്ടുമ്പോള്‍ അതിന്റെ വിഹിതം നാട്ടിലെ രാഷ്ട്രീയ ഉദ്യോഗസ്ഥ നേതൃത്വത്തിനും കിട്ടും എന്നതിനാലല്ലെ ഈ പദ്ധതിക്ക്‌ വേണ്ടി അവര്‍ വാദിക്കുന്നത്‌
ങാഹാ ! പുതിയകരാര്‍ പ്രകാരം ഡിഐസിക്കാരന്‍ 88ലക്ഷം ചതുരശ്ര അടി ഭൂമിയില്‍ അങ്ങനെ കണ്ണടയൂരി നോക്കും. അതോടെ അവിടെ ഐ.റ്റിക്കെട്ടിടങ്ങള്‍ താനേ അങ്ങ് പൊങ്ങിവരും. അദ്ദാണ് പദ്ധതി !

സ്വന്തം ജീവന്‍ കൊടുത്തുപോലും സമരം നടത്തിയതിന്റെ ഫലമാണല്ലോ ആദിവാസികള്‍ക്ക്‌ ഭൂമി നല്‍കാമെന്ന് സര്‍ക്കാര്‍ സമ്മതിച്ചത്‌. വാഗ്ദാനമല്ലാതെ ഇതുവരെ ഒന്നും നടന്നില്ല. സുനാമി ബാധിയതരെ പുനരധിവസിപ്പിക്കനുള്ള ഭൂമി കണ്ടെത്താനായിട്ടില്ല. ഈ സാഹചര്യത്തില്‍ ഈ സമ്പന്നര്‍ക്ക്‌ ആയിരം ഏക്കര്‍ ഭൂമി കണ്ടെത്തണമെന്ന് സര്‍ക്കാര്‍ ഇത്രപ്പെട്ടന്ന് സമ്മതിച്ചത്‌ എങ്ങനെ?
സുനാമിബാധിതര്‍ക്കും ആദിവാസികള്‍ക്കും ഭൂമി കറക്റ്റായി എത്തിച്ചുകൊടുത്ത ശുഭമുഹൂര്‍ത്തത്തിലാണ് അച്ചുമാ‍മന്റെ പുതിയ സ്മാട്ട് സിറ്റിക്കരാറ് ഒപ്പുവയ്ക്കപ്പെട്ടത്. ആദിവാസികള്‍ക്ക് കിട്ടിയ ഭൂമി കൂടിപ്പോയതോണ്ട് അവര് ബാക്കി ഭൂമി നിങ്ങളെടുത്തോ എന്നുമ്പറഞ്ഞ് സര്‍കാരാപ്പീസുകള്‍ കേറിയിറങ്ങുകയാണ്. സുനാമിദുരിതബാധിതരാണെങ്കില്‍ തങ്ങള്‍ക്ക് കിട്ടിയ പുത്തന്‍ കെട്ടിടങ്ങളില്‍ യൂറോപ്യന്‍ കക്കൂസ് വേണോ ഇന്ത്യന്‍ കക്കൂസ് വേണോ എന്ന കണ്‍ഫ്യൂഷനിലും. മാവേലിനാടായിക്കഴിഞ്ഞു കേരളം. അതുകൊണ്ട് ഇനി സമ്പന്നര്‍ക്ക് ആയിരമല്ല പതിനായിരമേക്കര്‍ വേണേലും കണ്ടെത്തിക്കൊടുക്കാവുന്നതാണ്. വാഴ്ക വാഴ്ക..അച്ചുമ്മാന്‍ മഹാബലി വാഴ്ക !

ഒട്ടേറെ തൊഴിലവസരങ്ങളുണ്ടാകും എന്നും , അത്‌ സംബന്ധിച്ച്‌ കരാര്‍ ഉണ്ടാകും എന്നും , ലംഘിക്കപ്പെട്ടാല്‍ പെനാല്‍റ്റി ഉണ്ടാകും എന്നും പറയപ്പെടുന്നു. ഇത്‌ യുക്തി ഇല്ലാത്ത വാദമാണ്‌. സര്‍ക്കാരുമായി കരാരുണ്ടാക്കുന്ന കമ്പനി (DIC) അല്ല അവിടെ വ്യവസായങ്ങള്‍ (ഉണ്ടെങ്കില്‍) സ്താപിക്കുന്നത്‌. പശ്ചത്തല സൗകര്യങ്ങള്‍ പണം കൊടുത്തു വാങ്ങുന്ന മുതലാളിയോട്‌ ആ സ്ഥാപനത്തില്‍ ഇത്രപേര്‍ക്ക്‌ ജോലി നല്‍കണമെന്ന് പറയാന്‍ റിയല്‍ എസ്റ്റേറ്റ്‌ കമ്പനിക്ക്‌ എങ്ങനെ കഴിയും?

പുതിയ കരാറോടെ ഡി.ഐ.സി റിയല്‍ എന്‍സ്റ്റേറ്റ് കമ്പനിയേ അല്ലാതായിരിക്കുകയാണല്ലോ, അതോണ്ട് അവര്‍ക്ക് ഇനി ധൈര്യമായി "മുതലാളി"മാരോട് സ്ഥാപനത്തില്‍ ഇത്രപേര്‍ക്ക് ജോലിനല്‍കണമെന്ന് പറയാമ്പറ്റും. പുതിയ കരാറില്‍ പറഞ്ഞതനുസരിച്ച് ഇത്രപേര്‍ക്ക് ഐറ്റി, ഇത്രപേര്‍ക്ക് സെക്യൂരിറ്റി, ഇത്രപേര്‍ക്ക് ഫ്രണ്ട് ഡെസ്ക്, ഇത്രപേര്‍ക്ക് കഫെറ്റേരിയ, ഇത്രപേര്‍ക്ക് ഹൌസ് കീപ്പിങ് എന്നിങ്ങനെ അക്കമിട്ട് വച്ചിട്ടുണ്ട്. ഇത് പാലിക്കാത്ത മൊതലാളിമാരെ കഴുതപ്പുറത്ത് കേറ്റി തോപ്പുമ്പടി പാലത്തീന്ന് താഴോട്ട് ഇടാനും വകുപ്പ് പറഞ്ഞുവച്ചിട്ടുണ്ട്. ഇതിന്റെ ഇന്‍ ചാര്‍ജ്ജായി നമ്മുടെ സീഡീ റെയ്ഡ് മീശയെ പോസ്റ്റു ചെയ്യാനും ഉത്തരവായെന്ന് കേള്‍ക്കുന്നു.

വാദത്തിന്‌ വേണ്ടി സര്‍ക്കാര്‍ പറയുന്ന 33000 തൊഴില്‍ ഉണ്ടാകും എന്ന് സമ്മതിച്ചാല്‍ തന്നെ അതെന്ത്‌ തൊഴിലാണ്‌? അതിന്‌ നല്‍കുന്ന വില എത്ര വലുതാണ്‌.ഒരു തൊഴിലിന്‌ 20000 സബ്‌സിഡി നല്‍കുമെന്നാണ്‌ IT നയം പറയുന്നത്‌...പുതിയ റോഡുണ്ടാക്കാന്‍ വലിയൊരു തുക വേണം. നികുതി ഇളവും നല്‍കണം സ്ഥലത്തിന്‌ പുറമെ വെള്ളം വൈദ്യുതി മുതലായവയ്ക്കും യന്ത്ര സാമഗ്രഹികള്‍ വാങ്ങാനും കെട്ടിടം പണിയാനും സബ്സിഡി നല്‍കണം.ഇതെല്ലാം കണക്കെലെടുത്താല്‍ ഒരു തൊഴിലിന്‌ രണ്ട്‌ ലക്ഷം രൂപവരെയാകും.
ഇപ്പോള്‍ 90,000 തൊഴിലുകള്‍ കൊണ്ട് ധന്യമായ സ്മാര്‍ട്ട്സിറ്റിയില്‍ ഒരു തൊഴിലിന് സര്‍ക്കാരിന്റെ ചെലവ് പത്തുപൈസയാണല്ലോ. അതോണ്ട് ഒന്നും ഇനി പേടിക്കാനില്ല. സബ്സിഡിയാണെങ്കില്‍ വട്ടപ്പൂജ്യമേ തരൂ എന്ന് പറഞ്ഞതു കേട്ട് ഷേയ്ക്ക് നിന്ന് മുള്ളിയെന്നാണ് റിപ്പോര്‍ട്ട്. പുതിയ റോഡിനുള്ള ടാറും മെറ്റിലും ദുബായിക്കാരന്‍ സ്വന്തം ചെലവില്‍ എറക്കുമതി ചെയ്യുമെന്ന് സമ്മതിച്ചിട്ടുമുണ്ട്, ഇനിയെന്തര് പ്യാടിക്കാന്‍.

കേരളത്തിലെ പരമ്പരാഗത വ്യവസായങ്ങളില്‍ 10 ലക്ഷത്തിലധികം ആള്‍ക്കാര്‍ ജോലി ചെയ്യുന്നുണ്ട്‌. ഒരാള്‍ക്ക്‌ 10000 രൂപ എന്ന നിലക്ക്‌ സബ്‌സിഡി നല്‍കിയാല്‍ ഈ രംഗത്ത്‌ വലിയൊരു മാറ്റമുണ്ടാക്കാം. ഇത്തരത്തില്‍ ഒരു സമീപനം ഇല്ലാതതെന്തുകൊണ്ട്‌? IT ക്ക്‌ സബ്‌സിഡി നല്‍കിയാല്‍ വിദേശ കമ്പനിക്കും വലിയൊരു അളവില്‍ വിദേശത്തെ മൈക്രോസോഫ്റ്റ്‌ അടക്കമുള്ള ഭീമന്മാര്‍ക്കുമല്ലെ നേട്ടമുണ്ടാകുക.?
കാറൊഴിഞ്ഞു മാനം തെളിഞ്ഞൂ...അച്ചുമ്മാന്‍ കരാറൊപ്പിട്ടതോടെ പരമ്പരാഗതവ്യവസായങ്ങളിലെ 10ലക്ഷം ആളുകള്‍ക്ക് പതിനായിരം രൂഭാ വച്ച് സബ്സിഡി കിട്ടിത്തുടങ്ങി. പിന്നെയുണ്ടായ കഥ പറയണോ ! ഹൊ ! വികസന സമീപനങ്ങള്‍ക്ക് ബന്ധപ്പെടുക - നീലാണ്ടന്‍ ആന്റ് കോ.

ഐറ്റിക്ക് സബ്സിഡി നല്‍കുന്നതും അച്ചുമ്മാന്റെ കരാറോടെ നിന്നു. കേരളത്തീന്നുള്ള സബ്സിഡി കിട്ടാതെ ഇപ്പം മൈക്രോസോഫ്റ്റ് ഭീമനൊക്കെ ശോഷിച്ച് തൊഴുത്തില്‍ക്കെട്ടാവുന്ന പരുവത്തിലായിട്ടുണ്ട്. ങ്ഹും നെട്ടൂരാനോടാണോടാ പുല്ലേ നിന്റെ കളി ?


കൊച്ചി നഗരത്തിന്‌ അടുത്തുള്ള ഒരു ലക്ഷത്തോളം പേര്‍ പുതുതായി താമസിക്കാനും ജോലി ചെയ്യാനും വരുമ്പോള്‍ ഇവര്‍ക്ക്‌ ആവശ്യമായ വെള്ളം എങ്ങനെ നല്‍കും. 40 ലക്ഷം പേര്‍ താമസിക്കുന്ന കൊച്ചിയിലും സമീപ പ്രദേശങ്ങളിലും ഇപ്പോല്‍ തന്നെ കടുത്ത ജലക്ഷാമമാണ്‌.. ഇതിന്‌ വേണ്ടിയുള്ള ജലം കുഴല്‍ക്കിണര്‍ വഴിയാണ്‌ കണ്ടെത്തുന്നതെങ്കില്‍ ഇവിടെ വലിയ ദുരന്തം ഉണ്ടാകും . ഇത്രയധികം പേര്‍ക്കുള്ള വാഹനം ഓടുമ്പോള്‍ ഇവിടുത്തെ റോഡ്‌ വായു മുതലായവയ്ക്കുണ്ടാകുന്ന തകര്‍ച്ച എത്ര ഭീകരമായിരിക്കും. ഇവര്‍ സൃഷ്ടിക്കുന്ന മാലിന്യങ്ങള്‍( ധനികരാണ്‌ എങ്കില്‍ ഇതും വലിയൊരു അളവില്‍ ഉണ്ടാകും.അത്‌ പ്ലാസ്റ്റിക്കായിരിക്കും അധികവും) എവിടെ എങ്ങനെ സംസ്ക്കരിക്കും. കൊച്ചി നഗരവും പരിസര പ്രദേശങ്ങളും ഇപ്പോള്‍ തന്നെ മാലിന്യ പ്രശ്നത്തില്‍ വന്‍ പ്രതിസന്ധി നേരിടുകയാണ്‌. ഇവരുടെ ജീവിതം സുഖകരമാക്കാന്‍ ഈ മാലിന്യങ്ങള്‍ ചുറ്റുപാടുള്ള പ്രദേശങ്ങളില്‍ വന്നു വീഴില്ലേ.
ഹായ്, ഉമ്മന്‍ ചാണ്ടി 30,000 തൊഴിലവസരങ്ങള്‍ എന്ന് പറഞ്ഞാല്‍ അത് ഒരുലക്ഷമായി പെരുകുകയും അച്ചുമ്മാന്‍ 90,000 തൊഴിലവസരങ്ങളെന്ന് പറഞ്ഞാല്‍ അത് പെരുകാതിരിക്കുകയും ചെയ്യുന്ന ഒരു പാരലല്‍ യൂണിവേഴ്സിലാണ് ശ്രീമാന്‍ നീലകണ്ഠന്‍ ജീവിക്കുന്നത്. മുപ്പതിനായിരം തൊഴിലില്‍ നിന്ന് 90,000 തൊഴിലായിക്കഴിഞ്ഞാല്‍ വെള്ളത്തിന്റെ ആവശ്യകത കുറയും എന്ന പ്രത്യേകത കൂടി ഈ സമാന്തരപ്രപഞ്ചത്തിനുണ്ട്. പുതിയ സ്മാര്‍ട്ട് സിറ്റി കരാറനുസരിച്ച് അത്രയും പേര്‍ക്കുള്ള വാഹനം ആകാശത്തൂടെയാണ് ഓടുക. പെട്രൊളിനു പകരം വെള്ളം ഉപയോഗിക്കുന്ന ടെക്നോളജി നീലാണ്ടന്റെ കെല്‍ട്രോണ്‍ തന്നെ വികസിപ്പിച്ചു കൊടുത്തിട്ടുള്ളതുകൊണ്ട് മലിനീകരണവും ഭയക്കേണ്ടതില്ല. അച്ചുമ്മാന്റെ സ്മാര്‍ട്ട്സിറ്റിക്കകത്ത് മാലിന്യമേ ഉണ്ടാകില്ല, പ്രത്യേകിച്ച് തൊണ്ണൂറായിരം പേര്‍ ജോലിചെയ്യുന്ന സ്ഥലത്ത് മാലിന്യമുണ്ടായാല്‍ അത് ചൊവ്വാഗ്രഹത്തില്‍ കൊണ്ടു തട്ടാന്‍ സബ് കോണ്ട്രാക്റ്റ് ഒപ്പുവച്ച സ്ഥിതിക്ക്.


സ്മാര്‍ട്ട്‌ സിറ്റി സ്വതന്ത്ര വ്യാപാര മേഖലയാക്കണം എന്ന ആവശ്യം ഉന്നയിക്കപ്പെട്ടിട്ടുണ്ടല്ലോ. സര്‍ക്കാര്‍ ഇത്‌ അംഗീകരിക്കുമോ? അങ്ങനെ വന്നാല്‍ അതിസമ്പന്നന്മാരായ അവിടെ ജീവിക്കുന്നവര്‍ക്ക്‌ ലോകത്തിന്റെ ഏതു ഭാഗത്തുനിന്നും ഉപഭോഗ ഉല്‍പ്പന്നങ്ങള്‍ കൊണ്ടുവരാനാകും...ഫലത്തില്‍ ഈ പദ്ധതി നടപ്പിലാക്കുന്ന സ്ഥലത്തിന്‌ ചുറ്റും ഒരുവിധ വികസനവും ഉണ്ടാകില്ല. നഗരത്തിലെ അന്തേവാസികള്‍ക്ക്‌ തേങ്ങാ ചമ്മന്തി വരെ ഇറക്കുമതി ചെയ്യില്ലേ.

See.... ഇത്രയും മൂര്‍ച്ചയുള്ള ചിന്തകള്‍ വരുന്ന തല വെയിലു കൊള്ളിക്കരുത് എന്ന് പറയാന്‍ നിങ്ങള്‍ക്കും തോന്നുന്നില്ലേ ? അദ്ദാണ് നീലാണ്ടന്‍ ജീ. ആരും കാണാത്തത് കാണും, ആരും കേള്‍ക്കാത്തത് കേള്‍ക്കും.
നീലാണ്ടന്‍ അപ്രൂവല്‍ മുദ്ര കൊടുത്ത അച്ചുമ്മാന്റെ സ്മാട്ട്സിറ്റിക്കരാറില്‍ സെസ് എന്ന വാക്കു പോലുമില്ല. "സെസ്സോ, അതെന്തരഡേയ് ?" എന്നാണ് ദുബൈക്കാരന്‍ ഇപ്പോള്‍ ചോദിക്കുന്നതത്രെ. കണ്ടോ, അവരു പോലും അതു മറന്നു. അദ്ദാണ് മ്വാനേ വിപ്ലവ സിറ്റി !
പുതിയ വിപ്ലവാനന്തര കരാറനുസരിച്ച് സ്മാര്‍ട്ട് നഗരത്തിലെ അന്തേവാസികള്‍ അമേരിക്കന്‍ തേങ്ങാച്ചമ്മന്തി കിട്ടാതെ വലയുമ്പോള്‍ ടൗണിലോട്ടിറങ്ങും. അങ്ങനെ തേങ്ങാച്ചമ്മന്തി ഇന്‍ഡസ്ട്രി കേറിയങ്ങ് പുഷ്പിക്കും. അമേരിക്കന്‍ തേങ്ങാച്ചമ്മന്തി വ്യവസായം വരണ്ടുണങ്ങുന്നതോടെ വിപ്ലവം പൂര്‍ത്തിയാവും. കൊച്ചിയില്‍ തേങ്ങാച്ചമ്മന്തിജംഗ്ഷനുകള്‍ ഉണ്ടാവും. തേങ്ങാച്ചമ്മന്തി ഇന്‍സ്റ്റിറ്റ്യൂട്ടുകള്‍ കേരളത്തിന്റെ മുഖഛായയേ അങ്ങ് മാറ്റും, തേങ്ങാപ്പൂള് കടിച്ചു പിടിച്ചപോലെ എന്ന ചൊല്ല് അന്വര്‍ത്ഥമാകുന്ന കാലം വരവായ് മാളോരേ !
സമരക്കാര്‍ക്കും യാചകര്‍ക്കും ദരിദ്രര്‍ക്കും പ്രവേശനമില്ലാത്ത്‌ ഇത്തരം അതിസമ്പന്ന മേഖല തുരുത്തുകള്‍ ചുറ്റുപാടുണ്ടാക്കുന്ന സാമൂഹിക പ്രശ്നനഗള്‍ പരിഗണിച്ചിട്ടുണ്ടോ? ചുറ്റുപാടുമുള്ള സാധാരണക്കാരില്‍ കടുത്ത ഉപഭോഗാസക്തിയും അസംതൃപ്തിയും കടക്കെണിയും ആത്മഹത്യയും ഗുണ്ടാ മാഫിയയും വളരാന്‍ ഇത്‌ വഴിവയ്ക്കില്ലെ?

പുതിയ സ്മാര്‍ട്ട്സിറ്റിയില്‍ സമരക്കാര്‍ക്കും യാചകര്‍ക്കും പ്രത്യേകം അത്യന്താധുനിക ക്വാട്ടേഴ്സുണ്ടാകും. ചുറ്റുപാടുമുള്ള സാധാരണക്കാരെ ഇടയ്ക്കിടെ അകത്തോട്ട് വിളിച്ച് ആലൂക്കാസിലെ സ്വര്‍ണ്ണം അരച്ചു ചേര്‍ത്ത സദ്യനല്‍കും. അതോടെ ചുറ്റുപാടുമുള്ള സാധാരണക്കാരിലെ കടുത്ത ഉപഭോഗാസക്തി പമ്പകടക്കും. ആത്മഹത്യചെയ്യാന്‍ തോന്നുന്നവര്‍ക്ക് പുതിയ സ്മാര്‍ട്ട്സിറ്റിയിലൂടെ വണ്‍ ഡേ ടൂറുകളും പ്ലാന്‍ ചെയ്തിട്ടുണ്ട്. ഗുണ്ടാമാഫിയയെ സാപ്പും സോപ്പും ജാവയുമൊക്കെ പഠിപ്പിച്ച് ഐറ്റി വിദഗ്ധരാക്കാന്‍ പ്രത്യേകം പദ്ധതിയുമുള്ളതുകൊണ്ട് സംഗതികള്‍ എളുപ്പമാവും !


ഈ നിര്‍ദ്ദിഷ്ട നഗരവാസികള്‍ വോട്ടില്ലാത്തവരും ഉണ്ടെങ്കില്‍ തന്നെ ചെയ്യാന്‍ മിനക്കെടാത്തവരുമാണ്‌ എന്ന് ജനാധിപത്യ ഭരണകൂടങ്ങള്‍ ഓര്‍ക്കുന്നത്‌ കൊള്ളാം. വോട്ട്‌ ചെയ്യാത്ത്‌ ന്യൂനപക്ഷത്തിന്‌ വേണ്ടി വോട്ട്‌ ചെയ്യുന്ന ഭൂരിപക്ഷത്തിനെ ചൂക്ഷണം ചെയ്യാന്‍ സര്‍ക്കാര്‍ കൂട്ട്‌ നില്‍ക്കുന്നത്‌ ശരിയോ ?
കഴക്കൂട്ടം ടെക്നോപ്പാര്‍ക്ക്, കൊച്ചീലെ ഇന്‍ഫോപ്പാര്‍ക്ക് ആദിയായ സ്ഥലങ്ങളിലും പരിസരങ്ങളിലും വര്‍ഷങ്ങള്‍ നീണ്ട പഠനങ്ങളിലൂടെയാണ് ഈ ഐറ്റിമണ്ടന്മാരൊന്നും വോട്ടുചെയ്യാമ്പോവാത്ത ബ്രോയിലറുകളാണെന്ന് നീലാണ്ടന്‍ ഗവേഷിച്ചെടുത്തത്. കെല്‍ട്റോണിലൊക്കെ പത്തിരുപതുകൊല്ലം ട്രാന്‍സ്ഫറുപോലുമില്ലാതെ അടയിരുന്നാല്‍ ഇതാണ് സൗകര്യം. അങ്ങനെ ആധികാരികമായി ഗവേഷിച്ച അനുഭവമുള്ളതുകൊണ്ട് വോട്ട് ചെയ്യാത്ത ന്യൂനപക്ഷത്തെ സര്‍ക്കാര്‍ സഹായിക്കുന്നു എന്ന ഡബിള്‍ ജമ്പ് കണ്‍ക്ലൂഡിക്കല്‍ നടത്താന്‍ നീലാണ്ടനേ അര്‍ഹതയുള്ളൂ. എന്നുമാത്രമല്ല, അതീന്ന് ഒരു ട്രിപ്പിള്‍ ജമ്പ് നടത്തി വോട്ട് ചെയ്യുന്ന ഭൂരിപക്ഷത്തെ ചൂഷണം ചെയ്യുന്നതിനു തുല്യമാണ് സര്‍ക്കാരിന്റെ ആ “ന്യൂനപക്ഷസഹായം” എന്നുകൂടി കണ്‍ക്ലൂഡിക്കാന്‍ നീലാണ്ടന്‍ കഴിഞ്ഞിട്ടേ നാട്ടില്‍ വേറേ ഗവേഷകരുള്ളൂ.
വാല് : ഇത്രയും ബൌദ്ധികസത്യസന്ധതയുള്ള ഒരു മുതലാളിത്തവിരുദ്ധനെ വേറെ കിട്ടുമോ മനോരമയെപ്പോലുള്ള ശുദ്ധകമ്മ്യൂണിസ്റ്റ് പത്രങ്ങള്‍ക്ക് താങ്ങിക്കൊണ്ട് നടക്കാന്‍ ?

Jul 23, 2009

മുലപരിശോധിക്കാന്‍ സിബിഐ !

* Examination (by doctors) revealed that her pendulous breasts were suggestive of vigorous fondling during sexual intercourse...
*...There was no necessity for a nun, who is a virgin, to undergo hymenoplasty/surgical interference. The only reason for such corrective surgery is for concealing evidence of rupture of her hymen due to frequent vaginal sexual intercourse.

ഈ എഴുതിവച്ചിരിക്കുന്നത് ഏതെങ്കിലും കമ്പിപ്പുസ്തകത്തിലെ വാചകങ്ങളല്ല, അഭയക്കേസിലെ സി.ബി.ഐ റിപ്പോര്‍ട്ടിലെ കേസ് തെളിയിക്കല്‍ വിവരണമാണ് ! (അവലംബം : ഇന്ത്യന്‍ എക്സ്പ്രസ് വാര്‍ത്ത). പെണ്ണിന്റെ മുലയുടെ വലിപ്പവും പൊട്ടിയ കന്യാചര്‍മ്മവും നോക്കി അവള്‍ എത്ര വട്ടം ലൈംഗികബന്ധം നടത്തിയിട്ടുണ്ടാവാമെന്നു ഗണിക്കുന്ന മനോരോഗം ബസ് സ്റ്റാന്റ്/റെയില്‍ വേ ബാത് റൂം കലാവിരുതുകളില്‍ പോലും കാണാനായെന്ന് വരില്ല. ഇതിലും ഭേദം ക്രൈമിലും ഫയറിലും വരുന്ന സാധനങ്ങളെ അങ്ങനെ തന്നെ കോടതിയില്‍ ഫയല്‍ ചെയ്യുന്നതായിരിക്കും.

നിങ്ങള്‍ എന്താണ് അവിടെ കേസന്വേഷണമെന്നുമ്പറഞ്ഞ് ഒലത്തുന്നത് എന്ന് സി.ബി.ഐയോട് ജനം എഴുന്നേറ്റ് നിന്ന് ചോദിക്കാന്‍ സമയമായിരിക്കുന്നു.
There was an error in this gadget

Topics | Tags

“ഊത്ത് “ ഫോര്‍ ഈക്വാളിറ്റി (1) Art of Living (1) Biennale (1) British Library (1) cartoon (1) Kerala LAC Election 2011 (1) Life of Pi (1) Matrix the movie (1) Papez-limbus-circuit (1) saraswati (1) Tao of Physics (1) Writing Britain (1) അതിരാത്രം (1) അദ്വൈതവും ക്വാണ്ടം ഫിസിക്സും (1) അപാര്‍തൈഡ് (1) അമൃതാനന്ദമയി (1) അശ്വമേധം (1) ആണത്ത നിര്‍വചനങ്ങള്‍ (1) ആത്മാവ് (3) ആത്മീയത (4) ആമവാതം (1) ആയുര്‍വേദം (5) ആയുര്‍വേദ തത്വങ്ങളുടെ ശാസ്ത്രീയത (2) ആരോഗ്യ മേഖല (9) ആര്യന്മാര്‍ (1) ഇസ്രയേല്‍ (1) ഉണ്ടച്ചുരുട്ട് (3) ഉന്നത വിദ്യാഭ്യാസം (2) ഋഗ്വേദം (1) എം.എഫ് ഹുസൈന്‍ (1) എതിരവന്‍ (1) എൻഡോസൾഫാൻ (1) എന്തരോ (4) എളമരം കരീം (1) ഏ. അയ്യപ്പൻ (1) ഐ.എസ്.ആര്‍.ഓ (2) ഒറ്റമൂലി ചികിത്സ (3) ഓർമ്മ (1) കണ്ണുകള്‍ (1) കമലാസുരയ്യ (1) കല (2) കാളിയംബി (1) കുഴൂര്‍ (1) കൃഷ്ണന്‍ (1) കൃഷ്ണന്‍ നായര്‍ (1) കേരള നിയമസഭാ ഇലക്ഷൻ 2011 (1) ക്ലോണിംഗ് (1) ക്വംകാംബ (1) ഖുര്‍ ആനിലെ സയന്‍സ് (2) ഗീത (1) ഗോപാലകൃഷ്ണന്‍ (2) ചരിത്രം (1) ചര്‍ച്ച (1) ജനിതകം (1) ജീര്‍ണലിസം (1) ജോധ-അക്ബര്‍ (1) ടാറ്റയുടെ കാര്‍ (1) ടിബറ്റ് (1) ഡാര്‍വിന്‍ (1) ഡി.പി.ഇ.പി പാഠ്യപദ്ധതി (2) തത്വചിന്ത (1) തീട്ടം (3) തെരഞ്ഞെടുപ്പുരാഷ്ട്രീയം (3) തേന്‍ ചുമയ്ക്ക് (1) ദേവസേന (1) ദൈവത്തെ തേടുന്ന ലോജിക് (2) ദൈവവിശ്വാസം (5) നരവംശ ശാസ്ത്രം (2) നിരീശ്വരത്വം (2) നോബൽ സമ്മാനം 2010 (1) ന്യായാസനം (1) പരിണാമം (1) പരിണാമസിദ്ധാന്തം (2) പര്‍ദ്ദ (1) പാഞ്ഞാള്‍ അതിരാത്രം (2) പാഠപുസ്തക വിവാദം (1) പാപിലോമാ വൈറസ് (1) പാരമ്പര്യം (1) പാരമ്പര്യ വാദം (3) പിന്നോക്ക ജനത (1) പുരാണങ്ങളിലെ സയന്‍സ് (1) പൈങ്കിളിവിപ്ലവം (1) പൈതൃക അറിവുകള്‍ (1) പൈതൃക ഉഡായിപ്പ് (2) പൈതൃക ജാഡ (1) പ്രണയം (1) പ്രതിഭ (1) പ്രതിരോധക്കുത്തിവയ്പ് (1) പ്രപഞ്ചം (3) പ്രപഞ്ചവികാസം (2) പ്രൈമറി സ്കൂള്‍ വിദ്യാഭ്യാസം (1) പ്ലസീബോ (1) ഫലസ്തീന്‍ (1) ഫാഷിസം (1) ബൂലോകകവിത (1) ഭക്തിക്കച്ചവടം (1) ഭാരതീയ ശാസ്ത്രപാരമ്പര്യം (3) ഭാഷയിലെ ശ്ലീലാശ്ലീലങ്ങള്‍ (1) ഭാസില്‍ രമിക്കുന്നത് (1) ഭൌതിക ശാസ്ത്രം (1) ഭ്രൂണ രഹിത ഭ്രൂണ കോശം (1) ഭ്രൂണശാസ്ത്രം (1) മതം കൊണപ്പിക്കല്‍ (2) മതേതരത്വം (1) മനസ്സിലായില്ല എന്ന നിഷേധ വാക്യം (1) മനസ്സ് (3) മരുന്നു ഗവേഷണം (4) മരുന്ന് ഗവേഷണം (1) മലയാളിയുടെ ആഹാര ശീലം (1) മാതൃഭൂമി (1) മാധ്യമങ്ങളിലെ പിഴവുകള്‍ (1) മിഡില്‍ ക്ലാസ് സ്നോബറി (1) മൃഗബലി (1) മെഡിക്കല്‍ വിദ്യാഭ്യാസം (1) യുക്തിവാദം (2) രാഷ്ട്രീയം (4) ലൈംഗികത (1) വനിതാസം‌വരണ ബില്‍ (1) വര്‍ഗ്ഗീയത (2) വംശീയവിവേചനം (1) വസൂരിയുടെ ഇന്ത്യന്‍ ചരിത്രം (1) വേദാന്തം (5) വൈയക്തികം (1) വ്യവസായ വകുപ്പ് 2006-11 (1) ശാസ്ത്ര തെറ്റിദ്ധാരണകള്‍ (9) ശാസ്ത്രീയത (1) സംഘപരിവാരം (1) സരസ്വതി (1) സംവരണം (1) സംവരണ ചര്‍ച്ച (2) സംവരണവിരുദ്ധത (2) സാനിട്ടറി നാപ്കിന്‍ (1) സാമ്രാജ്യത്വം (1) സായിബാബ (1) സാരംഗി (1) സാഹിത്യം (1) സാഹിത്യനിരൂപണം (1) സാഹിത്യവാ‍രഫലം (1) സാഹിത്യവിമര്‍ശം (1) സി.ആര്‍ . നീലകണ്ഠന്‍ (1) സിനിമ (5) സിനിമയിലെ വേദാന്തം (1) സൈക്കിയാട്രി (1) സ്ഥലമെഴുത്ത് (1) സ്മാട്ട് സിറ്റി (1) സ്വാര്‍ത്ഥികളായ ജീനുക്കള്‍ (1) ഹോക്കിംഗ് (1) ഹോമിയോപ്പതി (4)