“ ...ഭൂമിയിലെ നീരുറവ കണ്ടെത്തുന്നതിനുള്ള മാര്ഗ്ഗങ്ങള് പ്രതിപാദിക്കുന്ന ഒരു കുറിപ്പു വായിച്ച അന്ന് പിടിപെട്ടതാണിതു. കുറിപ്പ് ഇങ്ങനെയായിരുന്നു , കൈവിരലില് ഒരു ലോഹമാല തൂക്കിയിട്ടു ഒരാള് ഭൂമിയിലൂടെ നടക്കുന്നു. ഭൂഗര്ഭത്തില് വെള്ളമുള്ള സ്ഥലത്തിനുമുകളിലെത്തിയാല് കയ്യിലുള്ള മാല കറങ്ങാന് തുടങ്ങും. ചില ശരീര പ്രകൃതിക്കാര്ക്കു മാത്രമെ ഇതു സദ്ധ്യമാകയുള്ളൂ.എന്നിലെ ശാസ്ത്രജ്ഞനുണര്ന്നു, നോക്കണമല്ലൊ !മാലയും വിരലില് തൂക്കി പറമ്പിലാകെ നടന്നു, ഒരു രക്ഷയുമില്ല, കറക്കം പോയിട്ടു ഒരനക്കം പോലുമില്ല. അവസാനം കിണറിനടുത്തെത്തി.ഞെട്ടിപ്പോയി , അതാ മാല കറങ്ങാന് തുടങ്ങുന്നു.മോളോടിവന്നു, അവളുടെ കയ്യിലും തൂക്കീ മാല, അപ്പോഴും കറങ്ങുന്നു.ഭാര്യ വിടുമൊ? അവളും തൂക്കി, ഹാ കഷ്ടം.വെള്ളവുമായി അലര്ജിയായതിനാലാവും മാല കറങ്ങിയില്ല....“
ഈ പോസ്റ്റിൽ വായാടി മലയാളി എന്ന ബ്ലോഗർ എഴുതിയ കമന്റും ചിന്തോദ്ദീപകം:)
വായാടി മലയാളി said...
ഇതു പോലെ ഒരു മാല കറക്കത്തെക്കുറിച്ച്
പറയാം. ഈ കറക്കം ഉപയോഗപ്പെടുന്നത് ഗര്ഭത്തിലുള്ള ശിശുവിന്റെ ശിശുവിന്റെ ലിംഗം അറിയാനാണ്. (ഗര്ഭസ്ഥ ശിശുവിന്റെ ലിംഗം നിര്ണയിക്കുന്നത് ശിക്ഷാര്ഹമായതു കൊണ്ട് പരീക്ഷണം പരീക്ഷണം സ്വന്തം ഉത്തരവാദിത്വത്തില് നടത്തേണ്ടതാണ്)ഗര്ഭിണിയായ സ്ത്രീയുടെ വയറിനുമുകളിലായി ഒരു സ്വര്ണ്ണമാല , ശരീരത്തില് സ്പര്ശിക്കാത്തവണ്ണം പിടിക്കുക(കിടക്കുന്ന അവസ്ഥയില്). എതാനും നിമിഷത്തിനകം മാല ചലനം ആരംഭിക്കും.
മാലക്ക് രണ്ടു തരത്തിലുള്ള ചലനമാണ് ഉണ്ടാകാന് സാധ്യത. ഒന്ന് വയറിന് തിരശ്ചീനമായ ക്ളോക്കിന്റെ പെന്ഡുലം പോലെയുള്ള ചലനം. രണ്ട് ആന്റിക്ലോക്ക് വൈസായോ, ക്ലാക്ക് വൈസായോ ഉള്ള ദീര്ഘ വൃത്താകൃതിയിലുള്ള ചലനം. ആദ്യത്തെ ചലനമാണെങ്കില് കുട്ടി ആണാകാം. രണ്ടാമത്തേതാണെങ്കില് കുട്ടി പെണ്ണാകാം.
August 18, 2008 11:27 PM
എന്തായാലും നമ്മുടെ നാടിന്റെ അപാരമായ ശാസ്ത്ര പുരോഗതി കണ്ട് കോൾ മയിരു കൊള്ളുകയല്ലാതെ വയ്യ !
കമന്റ് 1:
പ്രിയ അനിൽ ജീ,പ്ലീസ്..കാന്തികത/മാഗ്നെറ്റിസം എന്നാൽ എന്താണെന്ന് ഒന്ന് ഗൂഗിൾ സെർച്ച് ചെയ്യൂ. എന്നിട്ട് ഇത്തരം കപടശാസ്ത്ര വാദങ്ങൾ മുന്നോട്ടു വയ്ക്കൂ. ഇതുപോലൊരു വാദം മുൻ വന്നപ്പോൾ എഴുതിയ കമന്റുകൾ എല്ലാം കുടി ഇവിടെ ഒരു പോസ്റ്റായി ശേഖരിച്ച് വച്ചിട്ടുണ്ട്. മാഗ്നെറ്റിസത്തെക്കുറിച്ച് സ്പെസിഫിക് ആയി ദാ ഈ കമന്റിൽ വിശദമാക്കിയിട്ടുമുണ്ട്. സ്വർണ്ണമാല വച്ച് ഗർഭസ്ഥ ശിശുവിനെകണ്ടെത്തുന്ന വായാടി മലയാളിയുടെ വിദ്യ അടിപൊളി. ഇനി ഗർഭ്സഥ ശിശുവിന്റെ ജനിതകവൈകല്യങ്ങൾ കണ്ടുപിടിക്കാനും ഇത് പോലുള്ള വേറെന്തെങ്കിലും തരികിട ഉപയോഗിക്കാമെന്ന് പറഞ്ഞ് ആളുകൾ വരും..! സ്കാനിംഗ് സെന്ററുകൾ പൂട്ടിപ്പോകുമല്ലൊ സന്തോഷം...! വന്ദേ മാതരം !!
August 19, 2008 8:26 PM
കമന്റ് 2 :
"ഭൂഗര്ഭത്തില് വെള്ളമുള്ള സ്ഥലത്തിനുമുകളിലെത്തിയാല് കയ്യിലുള്ള മാല കറങ്ങാന് തുടങ്ങും. ചില ശരീര പ്രകൃതിക്കാര്ക്കു മാത്രമെ ഇതു സദ്ധ്യമാകയുള്ളൂ."
ശരി,
അതു വായിച്ച് താങ്കളിലെ ശാസ്ത്രജ്ഞനുണർന്നു എന്നാണല്ലൊ അവകാശം.ചില സംശയങ്ങൾ:
1. ഏതു ലോഹത്തിലുള്ള മാലയാണു വേണ്ടത് ?
2. അതിനെത്ര ഗ്രാം തൂക്കം വേണ്ടി വരും ?
3. ചില പ്രത്യേക ശരീരപ്രകൃതിക്കാർക്ക് മാത്രമേ പറ്റൂ എന്നു പറയുന്നു. എന്ത് പ്രത്യേക ശരീരപ്രകൃതി ?4. കൈയ്യിൽ പിടിക്കുന്ന മാല പിടിക്കുന്ന രീതികൊണ്ട് തന്നെ കറങ്ങുകയോ ആടുകയോ ഒക്കെ ചെയ്യാം. അങ്ങനെ സംഭവിക്കാതിരിക്കാൻ എന്ത് മുൻ കരുതൽ എടുത്തു ?
5. വെള്ളം കെട്ടിക്കിടക്കുന്ന അവസ്ഥയില് മാല കറങ്ങുന്നില്ല എന്നു പറഞ്ഞു. പിന്നെ കിണറ്റിനു മുകളിൽ മാല കറങ്ങിയത് ??
6. മറ്റൊരാൾ ശരീരത്തിൽ സ്പർശിച്ചാൽ മാല കറക്കം നിർത്തുമെന്ന് പറഞ്ഞു. സ്വയം പിടിച്ചാൽ മാല കറങ്ങുന്ന ഒരാളാണ് തൊടുന്നതെങ്കിലും (ഉദാ താങ്കളുടെ മകൾ) കറക്കം നിൽക്കുമോ ?
7. വെള്ളത്തിനു മാത്രമെ ഇതു സംഭവിക്കുകയുള്ളോ അതോ ദ്രവരൂപത്തിലുള്ള, വെള്ളം ചേർന്ന എല്ലാത്തിനും ഇതു സംഭവിക്കുമോ ? (ഉദാഹരണത്തിനു എന്തെങ്കിലും കലക്കിയ വെള്ളം)അല്ലെങ്കിൽ ധമനികളിൽ ഒഴുകുന്ന രക്തം, മൂത്രനാളിയിലുടെ ഒഴുകുന്ന മൂത്രം...
8. ഹോസിലുടെ വെള്ളം ഒഴുകുമ്പോൾ മാല കറങ്ങുന്നെന്നു പറഞ്ഞു. താങ്കളുടെ വീടിന്റെ പല ഭാഗത്തും ഭൂമിക്കടിയിലൂടെയോ മതിലിനുള്ളിലോ പൈപ്പുകളും ഓവുചാലുകളും ഉണ്ടാകുമല്ലൊ. അപ്പോൾ അവിടൊക്കെ മാല കറങ്ങാറുള്ളതായി ശ്രദ്ധിച്ചിട്ടുണ്ടോ ?
9. ഇതു ? മാഗ്നെറ്റിസമാണ് എന്നാണല്ലൊ സംശയം. ഒരു മാഗ്നെറ്റ് കൈയ്യിൽ പിടിച്ചു കൊണ്ട്/ മാലയ്ക്കു മുകളിൽ പിടിച്ചുകൊണ്ട്/ മാലയോട് ചേർത്തുവച്ച് ഈ പരീക്ഷണം ആവർത്തിച്ചു നോക്കിയിരുന്നോ ?
ഇതിന്റെ മറുപടി അനിൽ ജീ തന്നത് ഇവിടെ
കമന്റ് 3
സൂരജ് :: suraj said...
അനിൽ ജീ,
A . താങ്കൾ ഇവിടെ നടത്തി എന്നു പറയപ്പെടുന്ന പരീക്ഷണത്തിൽ പ്രശ്നങ്ങളുണ്ട് :
1. ഹോസിലൂടെ വെള്ളമൊഴുകുന്നത് അതിലെ നേർത്ത സീൽകാരം വഴി തന്നെ പരീക്ഷകനു അറിയാൻ സാധിക്കും. അതു പരീക്ഷണ റിസൾട്ടിനെ ബയസ്ഡ് ആക്കുകയും ചെയ്യും.
2. പൈപ്പ് തുറക്കുമ്പോൾ ഒരു വാൽവ് തുറക്കുന്നു എന്നേയുള്ളൂ, പൈപ്പ് അടച്ചിരിക്കുമ്പോഴും അതിന്റെ കുഴലിനുള്ളിലൂടെ വെള്ളം ഒരു നിശ്സിത പ്രഷറിൽ ഒഴുകുക തന്നെയാണ്. അപ്പോൾ ഹോസിനു മുകളിൽ മാത്രമല്ല, താങ്കളുടെ വീട്ടിലെ എല്ലാ പൈപ്പുകൾക്കു മുകളിലും മാല/മോതിരം കറങ്ങേണ്ടതാണ്. ഇതു വച്ച് തപ്പിയാൽ താങ്കളുടെ വീടിനടിയിലും മതിലുകളിലുമായി സഞ്ചരിക്കുന്ന പൈപ്പ്/ഡ്രെയിനേജ് സിസ്റ്റം മുഴുവനും map ചെയ്യാനും സാധിക്കണം.
3. കൈയ്യിൽ പിടിക്കുന്ന മാല പിടിക്കുന്ന രീതികൊണ്ട് തന്നെ കറങ്ങുകയോ ആടുകയോ ഒക്കെ ചെയ്യാം. അതിനു മുൻ കരുതലുകള് ഒന്നും എടുത്തിട്ടില്ല എന്നു താങ്കൾ പറയുന്നു. Ideomotor ഇഫക്റ്റാണ് ഡൌസർമാർ ഡൌസിംഗ് ചെയ്യുമ്പോൾ കാണാറ്. അത് ഡൌസിംഗ് ഉപകരണം ഉപയോഗിക്കുന്ന ആളുടെ സൈക്കിയുടെ പ്രശ്നമാണ്. "വെള്ളത്തിന്റെ ഒഴുക്കു" തന്നെയാണു മാലയുടെ കറക്കത്തിനു കാരണം എന്ന് ഉറപ്പിക്കണമെങ്കിൽ അത്തരം മുൻ കരുതലുകൾ എടുത്തെ മതിയാവൂ അനിൽ ജീ.
4. നിഷ്പക്ഷമായ ഒരു അവലോകനമാണുദ്ദേശ്യമെങ്കിൽ ഡബിൾ ബ്ലൈൻഡ് ചെയ്ത് വേണം പരീക്ഷണം നടത്താൻ. ഒന്നൊ രണ്ടോ റിസൾട്ട് പോസിറ്റീവ് ആയതുകൊണ്ട് റാൻഡം ചാൻസേ ആവുന്നുള്ളൂ. അതിനു സ്റ്റാറ്റിസ്റ്റിക്കൽ വ്യക്തത വരണമെങ്കിൽ ഒരുപാട് പ്രാവശ്യം ആവർത്തിക്കണം. (താഴെ നോക്കുക)
5. ഇതിനേ പിടിച്ച് മനുഷ്യ ശരീര കാന്തികതയൊന്നും ആക്കിക്കളയരുത് : പോസ്റ്റിന്റെ തലക്കെട്ട് തെറ്റിദ്ധാരണാജനകമാണ്. ‘?’ ഇട്ടിട്ടുണ്ടെന്ന് പറഞ്ഞിട്ടൊന്നും കാര്യുമില്ല. ഇൻഡ്യാ ഹെറിറ്റേജ് മാഷും വന്ന് കാന്തികതയെപ്പറ്റി (..അപ്പോള് താങ്കളുടെശരീരവുമായി അതിന് നൂല് വഴിയുള്ള ബന്ധം കാന്തികമായി സഹായിക്കുന്നുണ്ടാകുമോ..)പരാമർശിക്കുകയും ചെയ്തു.
മനുഷ്യശരീരത്തിന്റെ കാന്തിക ആവരണമെന്നൊക്കെ ആത്മീയക്കാർ ഗീർവാണം അടിക്കാൻ തുടങ്ങിയിട്ട് കാലമൊത്തിരിയായി. മാഗ്നെറ്റിസം എന്താണെന്നോ ശരീരത്തിനു അങ്ങനൊരു ആവരണം ഉണ്ടാവാൻ സാധ്യതയുണ്ടോ എന്നൊനും അറിയാതെ ചുമ്മാ ഓറ കാന്തികത എന്നൊക്കെ തട്ടി വിടുന്നു അത്രതന്നെ.
B. ഡൌസിംഗ് എന്ന പേരിൽ അറിയപ്പെടുന്ന ഒരു സ്യൂഡോ സയൻസ്റ്റിഫിക് അവകാശവാദമാണ് ഇവിടെ പോസ്റ്റായി ഇട്ടിരിക്കുന്നത്.
പെൻഡുലം, Y ആകൃതിയിലുള്ള ലോഹകമ്പിദ്വയം, മാല, മോതിരം എന്നിങ്ങനെ പല സാധനങ്ങളും ഈ പരിപാടിക്ക് ഉപയോഗിച്ചു വരുന്നു.വെള്ളത്തിന്റെ ഒഴുക്ക് അറിയാൻ എന്ന അവകാശവാദവുമായി മുൻ കാലങ്ങളിൽ നടത്തിയിരുന്ന ഈ പരിപാടി പിന്നീട് സ്വർണ്ണ ഖനിയുടെ സ്ഥാനമറിയാനും മനുഷ്യശരീരത്തിന്റെ ഉർജ്ജ/കാന്തിക ആവരണം എന്ന് അവകാശപ്പെടുന്ന "ഓറ"യെ കണ്ടെത്താനുമൊക്കെ ഉപയോഗിക്കാൻ തുടങ്ങി.
ഏതാനും വർഷങ്ങൾ മുൻപ് കേരളത്തിൽ ഈ പരിപാടി സയന്റിസ്റ്റ് എന്നവകാശപ്പെടുന്ന ഒരാൾ തന്നെ നടത്തി ഏഷ്യാനെറ്റിലും മറ്റും കാണിക്കുകയുണ്ടായി. അതിനെ അധികരിച്ച് കെ.പി.സി അനുജൻ ഭട്ടതിരിപ്പാട് എന്നോ മറ്റോ പേരുള്ള ഒരാൾ രണ്ട് നെടുങ്കൻ ലേഖനങ്ങൾ സമകാലിക മലയാളം വാരികയിൽ വച്ചു കാച്ചുകയും ചെയ്തു. ഈ "സയന്റിസ്റ്റിന്റെ" പരീക്ഷണപ്രകാരം, പുജാ വിഗ്രഹങ്ങൾ, പൂജാ പുഷ്പങ്ങൾ, എന്തിനു ബ്രാഹ്മണനെ കഴുകിയ വെള്ളം പോലും "പോസിറ്റീവ്" ഊർജ്ജം കാണിക്കുന്നുവത്രെ. അതു ഡൌസിംഗ് കമ്പിയുടെ ചലനം വഴി അറിയാനാവുമെന്നാണ് അവകാശവാദം. ശാസ്ത്ര സാഹിത്യ പരിഷത്ത് വക്താവായ ആർ വി ജി മേനോൻ സർ ഇതിനെതിരെ മറു ലേഖനങ്ങളും എഴുതിയിരുന്നു.
ഈ തട്ടിപ്പ് ജ്യോതിഷം പോലെ തന്നെ ലോകമെമ്പാടും നടന്നു വരുന്ന ഒന്നാണ്. അമേരിക്കയിൽ ഡൌസിംഗ് സൊസൈറ്റി വരെ രൂപീകരിച്ചാണ് ഇവരുടെ പ്രവർത്തനം. (മന്ത്രവാദികളുടെ സംഘടന നമുക്കും വേണ്ടേ ?)ഒഴുകുന്ന വെള്ളം മാത്രമല്ല, നിശ്ചലമായ വെള്ളവും ഡൌസിംഗ് വഴി കണ്ടെത്താമെന്നാണ് “പരിചയസമ്പന്നരായ” ഡൌസർമാർ അവകാശപ്പെടുന്നത്.
അനിൽ ജീ കുറേനാൾ പരീക്ഷണം തുടർന്നാൽ ആ കഴിവും ലഭിച്ചേക്കാൻ സാധ്യതയുണ്ട്.
ജെയിംസ് റാൻഡി എന്നൊരു മജിഷ്യൻ ഇമ്മാതിരി തരികിടകൾ വഴി വസ്തുക്കളുടെ സ്ഥാനം കൃത്യമായി പ്രവചിക്കാമെന്ന് അവകാശപ്പെടുന്നവർക്ക് 1 മില്യൻ ഡോളർ ഇനാമായി പ്രഖ്യാപിച്ചിട്ടുണ്ട്. അവർ നടത്തുന്ന 2 ഡബിൾ ബ്ലൈണ്ടഡ് പരീക്ഷണത്തിൽ ഇതു വിജയകരമായി തെളിയിച്ചാൽ 1മില്യൻ ഡോളറ് കിട്ടും. അതിന്റെ അപേക്ഷാ ഫോം ഇവിടെ ഉണ്ട്: (പിഡി എഫ് ഫയൽ ലിങ്ക് ക്ലിക്കുക)
ഈ അവകാശവാദവുമായി വരുന്നവർക്ക് സ്കെപ്റ്റിക് സൊസൈറ്റികൾ ഡിസൈൻ ചെയ്ത പരീക്ഷകളുടെ ഏകദേശരൂപം ഇതാണ്:
പരീക്ഷണ സെറ്റപ്പ് : ഡൌസർ കണ്ടെത്തും എന്നു അവകാശപ്പെടുന്ന വസ്തു 20 സ്ഥാനങ്ങളിലായി മറച്ചു വയ്ക്കുക. ഓരോ സ്ഥാനത്തിനും (സ്റ്റേയ്ഷൻ) നമ്പർ ഇടുക. ഉദാഹരണത്തിനു സ്വർണ്ണം കണ്ടെത്തുമെന്നാണു അവകാശവാദമെങ്കിൽ സ്വർണ്ണപ്പണ്ടം ഒരു പേപ്പർ ബാഗിലാക്കി ഒരു കാഡ്ബോഡ് പെട്ടി കമഴ്ത്തി മറച്ചു വയ്ക്കുക. ഇങ്ങനെ 20 സ്റ്റേയ്ഷനുകൾ ഉണ്ടാക്കുക. വെള്ളം കണ്ടെത്തുമെന്നാണു അവകാശവാദമെങ്കിൽ കലത്തിലോ വാട്ടർ ബോട്ടിലിലോ വെള്ളം നിറച്ച് കാഡ് ബോഡ് പെട്ടി കൊണ്ട് മറച്ച് വയ്ക്കുക. വസ്തു ഉണ്ട്, അല്ലെങ്കിൽ വസ്തു ഇല്ല എന്ന രണ്ട് ചോയിസാണ് ഡൌസർ നൽകേണ്ട ഉത്തരം.
ഒന്നാം ഘട്ടം :ഓപ്പൺ സിരീസ് പരീക്ഷണം -
ഡൌസർ (ഡൌസിംഗ് ചെയ്യാമെന്ന് അവകാശപ്പെടുന്ന ആൾ) പരീക്ഷണത്തിന്റെ സെറ്റപ്പ് അറിഞ്ഞു കൊണ്ട് പരീക്ഷണം നടത്തുന്ന ഘട്ടമാണിത്. ഡൌസർ 1 മുതൽ 20 നമ്പരുകളിൽ ഒന്ന് സ്വയം തെരഞ്ഞെടുക്കുന്നു (ഇത് നറുക്കെടുപ്പ് രീതിയിൽ തുണ്ട് എടുത്ത് നിശ്ചയിക്കാം). ആ നമ്പർ ഉള്ള പരീക്ഷണ സ്റ്റേഷനിൽ ആണ് കണ്ടെത്തേണ്ട വസ്തു വയ്ക്കുക. ബാക്കിയുള്ളവ ഒഴിച്ചിടുക. ഏതു സ്റ്റേയ്ഷനിലാണു വസ്തു വയ്ക്കുന്നത് എന്ന് ഡൌസർ അറിഞ്ഞിരിക്കണം. അതിനു മുകളിൽ നിന്ന് ഡൌസിംഗ് കമ്പിയോ മോതിരമോ മാലയോ ഒക്കെ തൂക്കിയിട്ട് ഡൌസർക്ക് തന്റെ 'കഴിവ്' പ്രവർത്തിക്കുന്നുണ്ടോ എന്നു പരിശോധിക്കാം. വസ്തു ഇല്ലാത്തതെന്ന് അറിയാവുന്ന പെട്ടികൾക്ക് മുകളിലും ഡൌസിംഗ് യന്ത്രമോ മാലയോ ഒക്കെ വച്ച് ഇവ അനങ്ങുകയോ ആടുകയോ ഒക്കെ ചെയ്യുന്നുണ്ടോ എന്നും നോക്കാം. ഇത് 20 തവണ ആവർത്തിക്കാം. എത്ര സ്റ്റേയ്ഷനിൽ പ്രവചനം ശരിയാകുന്നു എന്ന് ഒരു കടലാസിൽ റിസൾട്ട് എഴുതി പട്ടികയാക്കി കണക്കുകൂട്ടി വയ്ക്കുക. ഈ ഘട്ടത്തിൽ താൻ തെരഞ്ഞെടുക്കുന്ന നമ്പറ് ഉള്ള സ്റ്റേയ്ഷനുകളിലാണു പരീക്ഷകൻ പരീക്ഷണ വസ്തു വയ്ക്കുക എന്ന് ഡൌസർക്ക് അറിയാവുന്നതു കൊണ്ട് എതാണ്ട് 100% കൃത്യതയോടെ തന്നെ 'പ്രവചനങ്ങൾ' ഉണ്ടാവുക സ്വാഭാവികം.
രണ്ടാം ഘട്ടം:ബ്ലൈൻഡഡ് പരീക്ഷണം -
പരീക്ഷകനും ഡൌസറും മുറിക്ക് പുറത്തിറങ്ങുന്നു. പരീക്ഷകന്റെ രണ്ട് സഹായികൾ മുറിയിൽ കയറി നറുക്കിട്ട് കിട്ടുന്ന 5 സ്റ്റേയ്ഷനുകളിൽ കണ്ടെത്തേണ്ട വസ്തു വയ്ക്കുന്നു. മറ്റ് 5 സ്റ്റേയ്ഷനിൽ മണൽ നിറച്ച ബോട്ടിലോ കലമോ വയ്ക്കാം. ബാക്കിയുള്ള 10 സ്റ്റേയ്ഷനുകൾ ഒഴിച്ചിട്ടിട്ട് വെറും പെട്ടി കൊണ്ട് മറച്ചു വയ്ക്കുക മാത്രം ചെയ്യുക. ഏതൊക്കെ സ്റ്റേയ്ഷനിൽ കണ്ടെത്തേണ്ട വസ്തുവുണ്ട്, ഏതൊക്കെ മണ്ണുണ്ട്, ഏതൊക്കെ ഒഴിഞ്ഞു കിടക്കുന്നു എന്നത് ഒരു കടലാസിൽ പട്ടികയാക്കി നിഷ്പക്ഷനായ മൂന്നാമതൊരാളെ എൽപ്പിക്കുക.ഈ മൂന്നാമൻ പരീക്ഷണത്തിനൊടുവിൽ മാത്രമേ രംഗത്തു വരൂ. ഇത്രയും ചെയ്തുകഴിഞ്ഞാൽ ഡൌസറും നിരീക്ഷകർക്കും മുറിക്കുള്ളിൽ വരാം. 20 സ്റ്റേയ്ഷനിൽ ഏതിലൊക്കെ 'കണ്ടെത്തുമെന്ന് അവകാശപ്പെടുന്ന വസ്തു' ഉണ്ട്, ഏതിലൊക്കെ അതില്ല എന്ന് ഡൌസിംഗ് വഴി കണ്ടെത്തി ഒരു കടലാസിൽ പട്ടിക പൂരിപിച്ച് ഡൌസർ പരീക്ഷകനെ ഏൽപ്പിക്കണം. ഡൌസർ മറ്റെന്തെങ്കിലും സൂചനകൾ ഉപയോഗിച്ചോ, പെട്ടി പൊക്കി നോക്കിയോ മറ്റോ കള്ളത്തരം കാണിക്കുന്നില്ല എന്നുറപ്പിക്കാനാണ് പരീക്ഷകനെ കൂടി മുറിയിൽ അനുവദിക്കുന്നത്. ഒടുവിൽ 20 സ്റ്റേയ്ഷനും കഴിഞ്ഞാൽ ഉത്തര പട്ടിക മുന്നാമത്തെ റഫറിക്ക് കൊടുക്കാം. സഹായികൾ നൽകിയ യഥാർത്ഥ പട്ടികയും ഡൌസറുടെ ആദ്യ ഘട്ടത്തിലെ(ഓപ്പൺ സീരീസ്) പ്രവചന പട്ടികയും, രണ്ടാം ഘട്ടത്തിലെ (ഡബിൾ ബ്ലൈൻഡഡ്)പട്ടികയും തമ്മിൽ ഇനി ഒത്തു നോക്കാം. ഡബിൾ ബ്ലൈൻഡഡ് സീരീസിൽ 50%-ത്തിൽ കൂടുതൽ പ്രാവശ്യം പ്രവചനം കൃത്യമാകുകയാണെങ്കിൽ (അതായത് 20 സ്റ്റേയ്ഷനിൽ 10 പ്രവചനം ശരിയാകുക)ഡൌസർ അവകാശപ്പെടുന്നതിൽ എന്തെങ്കിലും കാര്യമുണ്ട് എന്നു സമ്മതിക്കാം. അങ്ങനെ വന്നാൽ ഇതേ ടെസ്റ്റ് അഞ്ചോ ആറോ സെറ്റ് ആയി വീണ്ടും നടത്തി റിസൾറ്റുകളുടെ ശരാശരി പരിശോധിക്കാവുന്നതാണ്. സെറ്റുകളുടെ എണ്ണത്തിനനുസരിച്ച് റിസൾട്ടിന്റെ വിശ്വസനീയതയും കൂടുന്നു. ഡൌസർമാർ സാധാരണ അവകാശപെടുന്നത് 100% കൃത്യതയാണെന്നിരിക്കെ (ഇവിടെ അനിൽ ജീയും അതു തന്നെ അവകാശപ്പെടുന്നുണ്ടല്ലോ) 75% കൃത്യതയോടെയെങ്കിലും പ്രവചനങ്ങൾ നടത്താനായാൽ ഇത് സത്യമായ ഒരു സംഗതിതന്നെ എന്നും അതിൽ കൂടുതൽ പഠനങ്ങൾ വേണ്ടതു തന്നെ എന്നും പറയാം.
Off Topic: പണിക്കർ മാഷേ,
ഗണപതി മാത്രമല്ല, എന്റെ വീട്ടിലെ ദിനോസർ പ്രതിമ മുതൽ കളിമണ്ണിലും കല്ലിലും തീർത്ത കൃഷ്ണനും , കന്യാമറിയവും, കഥകളി മുഖവും, ചൈനീസ് ബുദ്ധനുമൊക്കെ പാലു കുടിച്ചു.കളിമണ്ണാണേൽ ഒന്നു കുടി ആവേശത്തിൽ കുടിക്കും. പാലുമാത്രമല്ല വെള്ളമായി കൊടുത്ത മിക്ക സാധനവും കുടിച്ചു. ആ ഒരു ദിവസമല്ല പല ദിവസം. ഇതു വായിച്ചിട്ട് നാട്ടിലുള്ള അനിയനോട് ഇത്തിരി പാലു കൊടുത്തുനോക്കാൻ പറഞ്ഞു: ദേ ഇന്നും കുടിച്ചു... അതു വെറും ക്യാപ്പിലറി ആക്ഷനാ മാഷേ.Mass hysteria കാരണം ഒരാഴ്ച പത്രങ്ങളിൽ നിറഞ്ഞു. അല്ലാതെ പ്രതിമകൾ കുടി നിർത്തീട്ടൊന്നുമില്ല. വെറുതേ ഇല്ലാത്ത പരിവേഷമൊന്നും കൊടുക്കണ്ട !!
August 20, 2008 10:45 PM
കമന്റ് 4:
ഇത് ഭൂമിപുത്രി, പാർത്ഥൻ ജീ എന്നിവരുടെ കമന്റുകൾക്കിട്ട മറുപടി കൂടി ഉൾപ്പെടുന്നതാണു.
ഭൂമിപുത്രിയുടെ കമന്റ് ഇവിടെ.
പ്രിയ ഭൂമിപുത്രീ,
തീവ്രവാദഛായ തോന്നുന്നുണ്ടോ ? ഗുഡ് ! കാരണം തീവ്രവാദം ഇതുപോലുള്ള സ്യൂഡോ സയൻസിനോടാകുമ്പോൾ യാതൊരു പശ്ചാത്താപവും ഇല്ല.
ഞാനെഴുതിയ കമന്റുകൾ അനിൽ എന്ന വ്യക്തിക്കെതിരെ എഴുതിയതായൊന്നും എടുക്കേണ്ടതില്ല. സയൻസ് ആണ് എന്ന പേരിൽ ഒരുപാട് അവകാശവാദങ്ങൾ ദിവസവും കണ്ടു കൊണ്ടിരിക്കുമ്പോൾ ചിലപ്പോൾ ഇങ്ങനെയൊക്കെയേ പ്രതികരിക്കാനാവൂ. പ്രത്യേകിച്ചും ഈ പോസ്റ്റ് കണ്ട് വണങ്ങി മുകളിൽ രണ്ട് സപ്പോട്ടിംഗ് കമന്റ് കണ്ടാൽ ( മനുഷ്യ ശരീർത്തിന്റെ ഓറ..., ഗർഭസ്ഥ ശിശുവിന്റെ ലിംഗനിർണ്ണയം ...!!)
ഡൌസിംഗ് എന്നു വിളിക്കപ്പെടുന്ന ഈ പരിപാടി നൂറ്റാണ്ടുകളായി ലോകത്ത് പലയിടത്തും ഉണ്ട്.
ഈ ടെക്നിക്ക് ഉപയോഗിച്ച് അനിൽ ജീ പറയുമ്പോലെ രക്തയോട്ടവും, ഭുഗർഭ ജല വിതരണവും, വാട്ടർ സപ്ലയിലെ ചോർച്ചയും ഒക്കെ കണ്ടെത്താനാവുമെങ്കിൽ എന്താ ഇത്ര നൂറ്റാണ്ടുകൾ ആയിട്ടും എന്താ ശാസ്ത്രത്തിന് ഇതു പ്രയോഗത്തിൽ കൊണ്ടുവന്നുകൂടായിരുന്നോ ?
എന്തിനാണു പിന്നെ ജീഗർ കൌണ്ടറും ഡ്യൂപ്ലക്സ് സ്കാനും പോയിചെല്ലി ഫോർമുലയും ഡോപ്ലർ ഇക്വേഷനുമൊക്കെ വച്ച് ശാസ്ത്രം ഇത്ര കഷ്ടപ്പെടുന്നത് ?
ഇന്ന് ഇതൊകെ കൃത്യമായി അറിയാൻ ഇക്കണ്ട ചെലവേറിയ മെഥേഡുകൾ ഡിസൈൻ കെയ്യേണ്ട വല്ല ആവശ്യവുമുണ്ടായിരുന്നോ ?
ലോകമെമ്പാടും ,വർഷങ്ങളായി നടന്ന എത്രയോ സിസ്റ്റമാറ്റിക് പരീക്ഷണങ്ങളിൽ പൊളിഞ്ഞു പോയതാണു അനിൽ ജീ പറയുന്ന ഈ ഡൌസിംഗ് പരീക്ഷണങ്ങൾ. എന്നിട്ടും അതു തന്നെ വാദിക്കാൻ വരുമ്പോൾ എന്തു ചെയ്യണം ?
അതുകൊണ്ടു തന്നെയാണ് ഈ കാര്യം തെളിയിക്കാമെങ്കിൽ 1 മില്യൺ ഡോളർ തരും എന്നു വെല്ലുവിളിച്ചിട്ടുള്ള ജെയിംസ് റാൻഡി ഫൌണ്ടേഷന്റെ ലിങ്ക് അദ്ദേഹത്തിനു ഞാൻ നൽകിയതും. ഇപ്പോൾ റഫീക് ജീ നാട്ടിൽ തന്നെ ഒരു സെറ്റപ്പ് ഇതിനായി ഉണ്ടാക്കാൻ പോകുന്നുവെന്ന് മനസ്സിലാക്കുന്നു. നല്ലത്.
ചുമ്മാ വൈബ്രേഷൻ, കാന്തികത എന്നൊന്നും പറഞ്ഞതുകൊണ്ടായില്ല, യുക്തിപൂർവ്വമായ ഒരു വിശദീകരണം ഉണ്ടാക്കാനാവുന്നില്ലെങ്കിൽ തലയിൽ തോന്നിയ വിശദീകരണമല്ല ഒരു ശാസ്ത്രജ്ഞൻ വിളിച്ചു പറയുക .
For example: ശരീരത്തിന്റെ പലഭാഗത്തായി പടർന്ന ഒരു ക്യാൻസറിന്റെ കേസ് ഡോക്ടർക്ക് മുന്നിൽ വരുന്നു. അതിന്റെ പ്രൈമറി ലീഷൻ (ക്യാൻസറിന്റെ ഉത്ഭവം) കുറേ ടെസ്റ്റുകൾക്ക് ശേഷവും കണ്ടെത്താനാകുന്നില്ല. എന്നുവച്ച് അദൃശ്യമായ ഏതോ ശക്തിയിലൂടെ പ്രൈമറി ലീഷൻ വന്നു കേറി എന്ന് ഡോക്ടർ തിയറി ഉണ്ടാക്കിയാൽ അയാളുടെ ഡിഗ്രി വാങ്ങി കത്തിച്ചേച്ച് വീട്ടിൽ പറഞ്ഞു വിടുകയേ നിവൃത്തിയുള്ളൂ !
‘ഞാൻ മനസ്സിലാക്കിയതിനപ്പുറം മറ്റൊന്നുമില്ല’ എന്ന്തോന്നിയ്ക്കുന്ന തരത്തിൽ ...ചിലപ്പോഴെങ്കിലും സൂരജും കൂട്ടരും എഴുതുന്നത്...
എന്റെ ബ്ലോഗ് അനുഭവത്തിൽ അത്തരം എഴുത്ത് നടത്തുന്നത് അധികവും ആത്മീയ വാദികളാണ്.എല്ലാം എന്റെ കിത്താബിലുണ്ട് എന്ന് പറഞ്ഞ് നടക്കുന്നതാരാണെന്ന് ഒന്ന് ഓർത്തു നോക്കുക. അതേക്കുറിച്ച് വല്ല എതിരഭിപ്രായവും പറഞ്ഞാൽ ശീതങ്കൻ തുള്ളൽ നടത്തുന്നതും ചിലപ്പോഴൊക്കെ തെറിവിളിക്കുന്നതും ഇനി ലിങ്കിട്ട് ഞാൻ ഉദാഹരിക്കണോ ? ഇതേ ആരോപണം തിരിച്ചും വയ്ക്കാം അപ്പോൾ !
പിന്നെ,
“ഞാൻ മനസ്സിലാക്കിയത് ” എന്നതല്ല ശാസ്ത്രത്തിന്റെ മാനദണ്ഡം. ഇനിയും ക്ലാസിക്കൽ അർത്ഥത്തിൽ പൂർണ്ണമായി വിശകലിക്കാത്ത എത്രയോ ഗണിത സമീകരണങ്ങൾ ശാസ്ത്രം ഉപയോഗിക്കുന്നുണ്ട്. (ബാബു മാഷിന്റെ ബ്ലോഗിലെ ക്വാണ്ടം ചർച്ച മറന്നില്ലല്ലൊ). ഇതിൽ , ഞാൻ മനസ്സിലാക്കുന്നത്, അവൻ മനസ്സിലാക്കുന്നത്, നീ മനസ്സിലാക്കുന്നത് എന്നൊന്നും ഇല്ല. മനുഷ്യ യുക്തി ശാസ്ത്രത്തിലേക്ക് ഉയരുകയാണു വേണ്ടത്, അല്ലാതെ ശാസ്ത്രം മനുഷ്യയുക്തിയുടെ നിലവാരത്തിലേക്ക് ഇറങ്ങി വരുകയല്ല
................
ഇനി, ഇവിടെ ഈ ചർച്ചാകോലാഹലങ്ങളിൽ അനിൽ ജീ ഇട്ടു വന്ന കമന്റുകളിൽ കണ്ട വൈരുധ്യങ്ങളും അശാസ്ത്ര കല്പനകളും കാണുക:
1. പോസ്റ്റിന്റെ പേര് : മനുഷ്യശരീരത്തിന്റെ കാന്തിക(?)പ്രഭാവം
ചോദ്യം വന്നപ്പോൾ :--
അനിൽ: ഇത് മാഗ്നെറ്റിസമാണെന്നു ഞാന് പറഞ്ഞിട്ടില്ല.(?)ഇട്ടിട്ടുണ്ടു. എന്താണെന്നറിയാനായി കഴിഞ്ഞ 3 വര്ഷമായി ശ്രമിക്കുന്നു. അനിൽ : മാഗ്നെറ്റിസമാണൊ എന്നെനിക്കറിയില്ല, അതിനാല് മാഗ്നറ്റ് പിടിച്ചു പരീക്ഷണം നടത്തിയിട്ടില്ല...
2.. അനിൽ (from the post): ..തലകറക്കം, ചുറ്റുപാടുമുള്ളതൊക്കെ വട്ടംചുറ്റിക്കറങ്ങുന്നു.കഴിഞ്ഞായാഴ്ചയായിരുന്നു തുടക്കം. ഭൂമിയിലെ നീരുറവ കണ്ടെത്തുന്നതിനുള്ള മാര്ഗ്ഗങ്ങള് പ്രതിപാദിക്കുന്ന ഒരു കുറിപ്പു വായിച്ച അന്ന് പിടിപെട്ടതാണിതു...
അനിൽ (a later comment) : ... കഴിഞ്ഞ മൂന്നു വര്ഷങ്ങളായി എന്റെ സുഹൃത്തുക്കളായുള്ള ഡോക്ടര്മ്മാര്,ഇറിഗേഷനിലെ എഞ്ചിനീര്മാര്,പാലക്കാട് എഞ്ചിനീയറിങ് കോളേജിലെ എന്റെ സുഹൃത്തുക്കളായ ലെക്ചറന്മാര് ഇവരുമായി ഈ കാര്യം ചര്ച്ചചെയ്തു വരികയാണു. അതില് പാലക്കാടുള്ള ലെക്ചറര് (മെക്ക് ആണു)ഇതേ കഴിവുള്ള ആളാണു...
മൂന്നു വർഷം ഇതിങ്ങനെ വിങ്ങലായി കൊണ്ടു നടന്നിട്ട് , ചർച്ചകൾ ചെയ്ത് മനം കുഴച്ചിട്ട്, കഴിഞ്ഞാഴ്ച മാത്രമേ ഒന്നു പരീക്ഷിച്ചു നോക്കാൻ തോന്നിയുള്ളൂ ? ഇദ്ദാണ് ശാസ്ത്രീയ ആപ്റ്റിറ്റ്യൂഡ് !!
3 . അനിൽ: [..കൈയ്യിൽ പിടിക്കുന്ന മാല പിടിക്കുന്ന രീതികൊണ്ട് തന്നെ കറങ്ങുകയോ ആടുകയോ ഒക്കെ ചെയ്യാം...എന്ത് മുൻ കരുതൽ എടുത്തു? ] അങ്ങനെ സംഭവിക്കാതിരിക്കാൻ മുങ്കരുതലുകള് ഒന്നും എടുത്തിട്ടില്ല...
ഇതാണ് സയന്റിഫിക് അന്വെഷണം !!
ഇത് അജ്ഞത കൊണ്ടാണെന്ന് ആണു വാദിക്കാൻ പോകുന്നതെങ്കിൽ ലോകപ്രശസ്തമായ മ്യൂണിച്ച് ട്രയലിന്റെ (ഡൌസിംഗിനെ ന്യായീകരിച്ചു വന്ന ഏറ്റവും വലിയ പഠനം) അബദ്ധങ്ങളും റിസൾട്ട് അനാലിസിസിലെ മണ്ടത്തരങ്ങളും ചൂണ്ടിക്ക്ാട്ടി സ്ക്രിപ്പ്സ് ഒഷനോഗ്രാഫി ഇൻസ്റ്റിറ്റ്യൂട്ട് പ്രൊഫസർ ജിം എൻ റൈറ്റ് എഴുതിയ സ്കെപ്റ്റിക്കൽ എന്ക്വയററിലെ ലേഖനം അനിൽ ജീ തന്നെ ഇവിടെ 18-ആമത്തെ കമന്റിൽ ലിങ്കായി കൊടുത്തിട്ടുണ്ട്. (ദാ കിടക്കുന്നു)
ആ ലേഖനം സ്വയം ഒന്നും മനസ്സിരുത്തി വായിച്ചിരുന്നെങ്കിൽ ഈ “ശാസ്ത്രീയ” രീതി വച്ച് ഇമ്മാതിരി (വൈബ്രേഷൻ നൂലിലൂടെ പോകുന്ന..) അനുമാനങ്ങളിൽ അദ്ദേഹം എത്തുമായിരുന്നില്ല !
4 . അനിൽ: [..കിണറിനു മുകളിലല്ല, സമീപമാണു മാല കറങ്ങിയത്..] അതു ഉറവയായിരിക്കും എന്നു അനുമാനിക്കുന്നു...
Water Table, Ground water, കിണറിന്റെ ഉറവ എന്നിവയെക്കുറിച്ചുള്ള അനിൽ ജീയുടെ ധാരണ കൊള്ളാം !! (കരിപ്പാറ സുനിൽ മാഷിന്റെ കമന്റ് കൂടി നോക്കുക)
5. അനിൽ : [വെള്ളത്തിൽ നിന്ന് എത്ര അകലത്തിൽ പിടിക്കണം ?..] അകലം ഒരു വലിയ ഫാക്റ്ററല്ലെന്നാണു എന്റെ നിഗമനം.... റോഡിലുള്ള വാട്ടര് അഥോരിറ്റി പൈപ്പില് വെള്ളം ഒഴുകുന്നുണ്ടോ എന്നും പറയാന് പറ്റാറുണ്ട്...
അനിൽ: [..വീടിന്റെ പല ഭാഗത്തും ഭൂമിക്കടിയിലൂടെയോ മതിലിനുള്ളിലോ പൈപ്പുകളും ഓവുചാലുകളും ഉണ്ടാകുമല്ലൊ...] ഏവിടെയണെങ്കിലും പറയാന് സാധിക്കും.അനിൽ : ഏകദേശം 4 മീറ്ററ് ഉയരത്തിലുള്ള ടെറസ്സില് നിന്നും താഴെമുറ്റത്തു കിടക്കുന്ന ഹോസിലൊഴുകുന്ന പ്രവാഹം കണ്ടെത്തന് പറ്റി...
അങ്ങനെയാണെങ്കിൽ അനിൽ ജീ മാല വെറുതേ കൈയ്യിൽ അങ്ങു തൂക്കിയിട്ട് വീടിനകത്തോ പരിസരത്തോ റോഡിലോ നിന്നാൽ മതി, മാല ചുമ്മാ full time കറങ്ങിക്കോളും. കാരണം അടിയിലും ഭിത്തിയിലും മുഴുവൻ പൈപ്പോ ഗ്രൌണ്ട് വാട്ടറോ അല്ലേ ?
6. അനിൽ: .ഒരു മോതിരം നൂലില് കെട്ടിത്തൂക്കിനൊക്കിയപ്പോഴും ഫലം കണ്ടു...അനിൽ : ..വൈദ്യുതി പ്രവാഹമുള്ള ചാലകങ്ങല്ക്കു (ക്ലോസ്ഡ് സര്ക്ക്യൂട്ടുകള്)സമീപവും ഇപ്രകാരം മാല കറങ്ങുന്നതായിട്ടാണു ഇന്നു നിരീകഹിച്ചത്.
-നൂലിൽ കൂടി “വൈബ്രേഷൻ” മോതിരത്തിലെത്തി അതിനെ ക്ലോക്ക് വൈസ് ആയോ ആന്റീക്ലോക്ക് വൈസ് ആയോ തിരിക്കും !!
-മനുഷ്യശരീർത്തിന്റെ ഈ അദൃശ്യ വൈബ്രേഷൻ ഇലക്ട്രിക്കൽ സർകിറ്റുകളെ പോലും സ്വാധീനിക്കുന്നു...!!
ഇത് ഉടനെ നേയ്ച്ചർ ഫിസിക്സിൽ അയച്ചു കൊടുക്കേണ്ട റിസൾട്ട് ആണ്.
7. അനിൽ : എന്റെ വലത്തെ കയ്യാണു മാല പിടിക്കാന് ഉപയോഗിക്കുന്നതു. ഇടത്തെ കയ്യില് ഒരു ചെമ്പു വളയം ഘടിപ്പിച്ച ശേഷം അതില് നിന്നും 4 മീറ്റര് നീളത്തില് (അത്രയും നീളത്തിലുള്ള വയര് മാത്രമെ കയ്യിലുണ്ടായിരുന്നുള്ളൂ)ചെമ്പു വളയത്തില് ഘടിപ്പിച്ചു. മാല കറങ്ങാന് തുടങ്ങിയശേഷം ഈ വയറിന്റെ അറ്റം എര്ത്ത് ചെയ്തപ്പോള് മാലയുടെ കറക്കം നിലച്ചു ........
......എന്റെ ശരീരത്തില് ഒരാള് തൊട്ടാല് മാല കറക്കം നില്ക്കും എന്നു പറഞ്ഞതു കണ്ടിരിക്കുമല്ലോ.ഇതിനു ഒരു മോഡിഫികേഷന് എന്ന നിലയില് എന്റെ കയ്യില് നിന്നും ഒരു വയര് കണക്റ്റ് ചെയ്തു. മറ്റേ അറ്റം ഞാന് കാണാത്ത ദൂരത്തില് എര്ത്തു ചെയ്തപ്പോള് കറക്കം നിലക്കുകയും ചെയ്തു....
ഇതിനെന്തിനാ മാഷേ വയർ ഒക്കെ വച്ചു കെട്ടി എർത്ത് ചെയ്യുന്നേ ? ചെരുപ്പഴിച്ചിട്ട് വെറും നിലത്ത് നിന്നാ പോരേ ? എർത്തിംഗിനു അതു മതിയല്ലൊ.
8. ഇൻഡ്യാ ഹെറിറ്റേജ് നിർദ്ദേശിച്ചത്: ...ഈ മോതിരം ഒരു fixed slanting pole ല് കെട്ടിയിട്ടിട്ട് ആ നൂലിന്റെ രണ്ടാമത്തെ അറ്റം താങ്കള് പിടിച്ചുകൊണ്ട് ഒന്നു പരീക്ഷിക്കുമോ?അതായത് നൂലിന്റെ ഒരറ്റത്ത് മോതിരം, രണ്ടാമത്തെ അറ്റം താങ്കളുടെ കയ്യില്, നടുഭാഗം കമ്പില് കെട്ടിയിട്ടിരിക്കുന്നു-ചുരുക്കത്തില് താങ്കള് കറക്കാന് ശ്രമിച്ചാലും മോതിരത്തിന് കറങ്ങുവാന് സാധിക്കാത്ത വിധം .
അനിൽ:..ഇന്ത്യാഹെറിറ്റേജ് , താങ്കളുടെ നിര്ദ്ദേശപ്രകാരം പരീക്ഷണം ചെയ്തു ,റിസള്ട്ടു അനുകൂലം. നിര്ദ്ദേശത്തിനു നന്ദി...
അനിൽ: ....ഒരു പി.വി.സി. റോഡിന്റെ അറ്റത്ത് ഒരടി നീളമുള്ള ഒരു ഇരുമ്പു കമ്പി തുളച്ചു കയറ്റി.പിവിസി പൈപ്പു മുറ്റത്തു നാട്ടി ഉറപ്പിച്ചു നിറുത്തി.ഭൂമിക്കു പാരല്ലല് ആയി നില്ക്കുന്ന ഇരിമ്പു കമ്പിക്കു ഒരറ്റം ഒരു മാല തൂക്കിയിട്ടു,താഴെയിട്ടിരിക്കുന്ന പൈപ്പിലൂടെ വെള്ളം കടത്തിവിട്ടശേഷം ഇരുമ്പു കമ്പിക്കു മറ്റേ അറ്റം പിടിച്ചപ്പോള് മാല കറങ്ങാന് തുടങ്ങി. പക്ഷെ ഇതു എന്റെ കയ്യിലെ “വൈബ്രേഷന്” ഇരുമ്പു കമ്പിയിലൂടെ മാലയിലെത്തിയതാണെന്നു തീരുമാനിക്കേണ്ടുന്ന രീതിയില് എത്തി, തുടര്ന്നു നടന്ന പരീക്ഷണങ്ങളില്...
ചില പ്രത്യേക ശരീരപ്രകൃതിക്കാർക്കേ ഇതൊക്കെ പറ്റൂ എന്ന് ആദ്യമേ ജാമ്യമെടുത്തത് നന്നായി :)))
അതാണല്ലൊ എല്ലാ “പാരാനോർമൽ” അവകാശവാദങ്ങളുടെയും തുറുപ്പ് ഗുലാൻ !!
@ പാർത്ഥൻ ജീ,
പണിക്കർ മാഷിനുള്ള ഉത്തരം കൊടുത്തിട്ടുണ്ട്. അദ്ദേഹമുദ്ദേശിച്ചതെന്തെന്ന് എനിക്കും ഞാനുദ്ദേശിച്ചതെന്തെന്ന് അദ്ദേഹത്തിനും മനസ്സിലായിട്ടുമുണ്ട്. ഇനി ഇടയിൽ കേറി വേറെ വിശകലനം വേണോ ? :))
പിന്നെ, “ബോർ വെൽ അടിക്കാൻ വന്ന ശാസ്ത്രജ്ഞർക്ക് “ കാശുകൊടുത്ത് പറ്റിപ്പോയവരെപ്പറ്റി പറഞ്ഞു,
ബോർ വെൽ “അടിക്കുന്നത്” എന്ത് ശാസ്ത്രരീതി വച്ചാണെന്ന് അന്വേഷിച്ചിട്ടുണ്ടോ ?
അവർ ഉപയോഗിച്ചുവെന്നു പറയുന്ന രീതി എന്താണെന്നെങ്കിലും അറിയാമോ ?
അതിന്റെ സെൻസിറ്റിവിറ്റി എന്താണെന്ന് അന്വേഷിച്ചോ ?
അതിന്റെ എറർ ഒഫ് മെഷമെന്റ് എത്രാണെന്ന് ചോദിച്ചിട്ടുണ്ടോ ?
പോട്ടെ, സ്വന്തം പിതാവ് ഇത് ചെയ്യുന്നതെങ്ങനെ എന്ന് അന്വേഷിച്ചു എന്തു നിഗമനത്തിലെത്തി ? എന്തെങ്കിലും ശാസ്ത്രീയ വിശദീകരണം,
അതോ മറ്റൊരു സായിബാബകളി ആണോ ?
കിണർ കുഴിക്കാൻ പൂജ നടത്തുന്ന ആശാന്മാരെക്കുറിച്ച് തിരിച്ചും വിടാം ഈ റോക്കറ്റ് :) അവർക്കാകുമ്പോ എറർ ഒഫ് മെഷർമെന്റ്റുമില്ല സെൻസിറ്റിവിറ്റിയുമില്ല... ശംഭോ മഹാദേവ !
സൂരജ്,
ReplyDeleteഅപേക്ഷാ ഫോറം ഡൌണ്ലോഡിയിട്ടുണ്ടു.ഇന്സ്ത്രുക്ഷന്സ് വായിച്ചു നോക്കിയിട്ടു മെയില് അയക്കം.
നന്ദി.
ബ്രൈനില് നിന്ന് സിഗ്നലുകള് നാഡികളിലൂടെ സഞ്ചരിക്കുന്നുവോ സൂരജ്?.
ReplyDeleteനമ്മുടെ ശരീരത്തില് സ്റ്റാറ്റിക് ചാര്ജസ് ഫോം ചെയ്യുമൊ?.
ഉണ്ടെന്നാണ് എന്റെ വിശ്വാസം.
നമുക്ക് കാണാനാകാത്ത എത്രയൊ റേഡിയൊ-ലേസര് മാഗ്നെറ്റിക് തരങ്ങങ്ങള് നമുക്ക് ചുറ്റും.
നമ്മുടെ ദൃഷ്ട്ടിക്കവ ഗോചരമല്ലെന്ന് വച്ച് ഇല്ലെന്ന് പറയാമൊ?
റേഡിയോ റ്റൂണ് ചെയ്യു, മൊബയില് ഡയല് ചെയ്യു. എത്ര വികിരണങ്ങള് നമ്മെ കടന്ന് തഴുകിയും, തല്ലിയും
പോകുന്നു.
അനുക്ഷണം ക്ഷയ ഗ്രസിതമായ ശരീര പുനര്നിര്മ്മാണം ആര് ചെയ്യുന്നു. ഈ പ്രതിഭാസത്തെ
നിങ്ങള് എന്ത് വിളിക്കുന്നു.
കുടലിലും ആന്തരികാവയവങ്ങളിലും നാം ദഹിപ്പിക്കുന്ന എത്രയോ സാധനങ്ങള്. കുടല് സ്വയം എന്തുകൊണ്ട്
ദഹിക്കുന്നില്ല. മുറിവ് കൂട്ടുന്നതാര്. പൊള്ളലുണക്കുന്നതാര്.
വയസ്സാകുന്ന പ്രക്രിയയുടെ കണ്ട്രോളര് ആര്. മരണം വിധിക്കുന്നവനാര്. ജീവന്റെ സ്പാര്ക്കിടുന്നവനാര്.
പ്രാണികുലത്തിന് പ്രഥമാത്മ ഗുണം പരസ്പാരാകര്ഷം- അങ്ങിനെയല്ലേ.
എല്ലാ ചരാചരങ്ങളുടെയും നിലനില്പ്പ് ഈ പരസ്പരാകര്ഷണത്തിനാലല്ലെ?.
നാം ചിന്തിക്കുന്നത് മേഗ്നറ്റിക് വേവ്സ് ആയി ആണെന്നൊരു തിയറിയുണ്ട്. എന്റെ ചിന്തകള് മറ്റുള്ളവരെ സ്വാദീനിക്കുന്നു.
മറ്റുള്ളവരുടെ ചിന്തകള് എന്നേയും. ഒരു പാട് പേരിത് ശരിവക്കും. അനുഭവത്തിന്റെ അടിസ്ഥാനത്തില്.
ഹിപ്നോട്ടിസ്ം , ടെല്പ്പതി എന്നിവയില് എനിക്ക് അത്ര വിശ്വാസമില്ലെങ്കിലും ഇവയില് കമ്മൂണികേറ്റ് ചെയ്യുന്ന മീഡിയ എന്ത്.
ചിലരുടെ സാന്നിദ്ധ്യം നമ്മെ സാന്ത്വനപ്പെടുത്തുന്നു, ചിലത് ഭയപ്പെടുത്തുന്നു. മനശ്ശാസ്ത്രത്തിന്റെ
അളവുകോലില് നിങ്ങള് വ്യ്ഖ്യാനിച്ചേക്കാം. പക്ഷെ ഇത് നിങ്ങളില് ഇന്ഡക്ഷന് മൂലമുണ്ടാകുന്ന കാന്തിക പ്രസരമ്മാണെന്ന്
ഞാന് പറയുന്നു. ശാസ്ത്രീയാടിസ്ഥാനങ്ങളില്ലാതെ.
കണ്ണടക്കുക, കാതോര്ക്കുക.ഏകാഗര്തയില് നിങ്ങള്ക്ക് ദര്ശിക്കാം മായികമായതൊക്കെ,കേള്ക്കാം നിശ്ശബ്ദതയെന്ന ഇരമ്പലിനെ
ഓരോ തരംഗങ്ങളേയും തൊട്ടറിയാം.
സൂരജിന്റെ ശാസ്ത്രീയ വിശകലനങ്ങളെ ആരാധനയോടെ കാണുമ്പോഴും പറയട്ടെ- നിങ്ങള്ക്കനുഭവവേദ്യമല്ലാത്തതൊന്നും
ഇല്ലെന്ന് പറയല്ലെ.
ഞാന് പ്രേതത്തെ കാണുന്നു
നിങ്ങള് ഫോസ്ഫറസ്സെന്ന് പറയുന്നു.
മരണം പ്രവചിച്ച അമ്പത്തി അഞ്ചാം വയസ്സില് കൃത്യം മരിക്കുന്നു എന്റെ സഹോധരിയുടെ അടുത്ത വീട്ടിലെ പട്ടത്തി.
അമ്പാനിമാര് പൂജ ചെയ്തെ ഓരോ പുതിയ ഓഫിസും തുറക്കുകയുള്ളു.
സിംഗപ്പൂര് ആംഡ് ഫോര്സസിന്റെ ബേസിക് മിലിട്ടറി ട്രയ്നിംഗ് സ്കൂള് പുലാവ് തിക്കോങ്ങില് പുതിയ കെട്ടിട സമുച്ചയങ്ങളുടെ ഉതഘാടനത്തിന്ന്
മുന്ന് പാതിരിയും, മുസലിയാരും, പുരോഹിതന്മാരും വന്ന് പൂജാകര്മ്മങ്ങള് ചെയ്യുന്നു.
ലോകം അന്ധ വിശ്വാസികളുടെതല്ലെ സൂരജ്ജേ?.
കാരണം എല്ലാവരും അന്ധന്മാരാണ് .
ഓരോ തവണ സൂര്യനെ സ്തുതിക്കുമ്പ്പോളും അറിയുന്നു ആദിത്യ ഹൃദയം. നമ്മുടെ ഭക്ഷണം, നമ്മുടെ എനര്ജി, ജീവന്റെ അടിസ്ഥാനം
സൂരജ്ജല്ലേ സൂരജ്ജെ.
നമുക്ക് സോളാര് സെല്ലുകളുണ്ടായിരുന്നെങ്കില് നേരിട്ട് എനര്ജി സ്വീകരിക്കാമയിരുന്നു ഇല്ലെ.
മനുഷ്യന് പരിണാമ വിധേയനാണെന്ന് എല്ലാവരും അംഗീകരിക്കുന്നു.
തപസ്സെന്നത് ഈ എനര്ജ്ജിയെ നേരിട്ട് സ്വീകരിക്കാനുള്ള കഴിവ് വളര്ത്തലാണ്.
അത്രമാത്രം അത്രമാത്രം
പരുന്തുകള്ക്കും പൂമ്പാറ്റകള്ക്കും തേനീച്ചകള്ക്കുമെല്ലാം ഭൂമിയുടെ കാന്തിക വലയം ഉപയോഗിച്ച് ദിശയറിയാന് കഴിയുന്നുണ്ടെന്ന് നിരീക്ഷിച്ചിട്ടുണ്ട്. എന്നാല് നമ്മള്ക്ക് ഇത് സെന്സ് ചെയ്യാന് കഴിയില്ല.
ReplyDeleteഉണ്ടെങ്കില് അഭയാര്ത്ഥിയോട് ഇപ്പോള് ചോദിക്കാം ഒരു ചോദ്യം, താങ്കളുടെ പിന്ഭാഗത്ത് നീട്ടിപ്പിടിച്ചിരിക്കുന്ന എന്റെ കൈയില് കാന്തം ഉണ്ടോ ഇല്ലയോ എന്ന്. പരീക്ഷണത്തിനു തയ്യാറാണോ?
ഒരു ടെസ് ലയുടെ 1/20000 മാത്രമേ (ദാറ്റ് ഈസ്, 1 tesla is equal to 20,000 times the Earth's magnetic field) ഭൂമിയുടെ മാഗ്നറ്റിക് ഫ്ലക്സ് ഡെന്സിറ്റി വരികയുള്ളൂ (0.00005 T ). എന്നാല് ചില ഗ്ര്ഹോപകരണങ്ങളുടെ
പ്രഭാവം നോക്കുക.
നമ്മുടെ തലച്ചോറും ഹാര്ട്ടും വരെ ചെറിയ മാഗ്നറ്റിക് ഫീല്ഡ് ഉണ്ടാക്കുന്നുമുണ്ട്. മാഗ്നറ്റോ കാര്ഡിയോഗ്രാം വഴി ഇത് അളക്കാന് കഴിയും. ഗ്ര്ഹോപകരണ വസ്തുക്കള് വരെ സ്രിഷ്ടിക്കുന്ന മാഗ്നെറ്റിക് ഫീല്ഡിലാണു പലപ്പോഴും നമ്മള് കഴിയുന്നത്. ഇലക്ട്രിക് റേസറും മറ്റും ഉദാഹരണങ്ങള്.
കപടശാസ്ത്രമായ മാഗനറ്റോ തെറാപ്പിയുടെ വാദങ്ങളാണു മനുഷ്യ ശരീരത്തിന്റെ മാഗ്നറ്റിക് പ്രഭാവവുമായി ബന്ധപ്പെട്ട അഭയാര്ത്ഥി പറഞ്ഞ അവകാശ വാദങ്ങള്. ജ്യോതിഷം, കാന്തചികിത്സ, ഹോമിയോപ്പതി, സംഖ്യാശാസ്ത്രം, അക്യുപങ്ചര്, റെക്കി, കൈരേഖാശാസ്ത്രം, എന്നിങ്ങനെ ശരിയെന്ന് നമ്മളിപ്പോഴും കരുതുന്നടക്കം പലതും തെറ്റെന്നു തന്നെ പണ്ടേ തീര്പ്പു കല്പ്പിച്ചിട്ടുള്ളതാണു.
അനിൽ ജീ,
ReplyDeleteഓക്കെ. വളരെ റിഗറസ് ആണ് JREF പരീക്ഷണങ്ങൾ. ലോകത്തെ മികച്ച ശാസ്ത്രജ്ഞന്മാരുടെ നിർദേശങ്ങൾ ബേയ്സ് ചെയ്ത് ഉണ്ടാക്കുന്നത്. 1 മില്യൺ പാഴാക്കരുത്. നല്ലവണ്ണം ട്രെയിനിംഗ് എടുക്കണം :)
അഭയാർത്ഥി ചേട്ടാ,
ഈ കമന്റ് ഒന്നു വായിക്കൂ..പറഞ്ഞ് പറഞ്ഞ് എന്റെ നാക്കു കുഴഞ്ഞു, ടൈപ്പ് ചെയ്ത് എന്റെ വിരലുകളും.
ശന്തനൂ,
യക്ഷിക്ക് ബെസ്റ്റ് ഇരുമ്പ് കത്തിയാണ്. (ചുണ്ണാമ്പ് വെറ്റില, പന... തോമസ് പൂവട്ടിൽ സാറിന്റെ ക്ലാസ് ഓർക്കുമല്ലോ:) മന്ത്രവാദികൾക്കും മാടനും കോഴി നേർച്ച. ദൈവത്തിനു പിന്നെ പ്രത്യേകിച്ചൊന്നും വേണ്ട. മൂപ്പർക്ക് വേണ്ടി വാദിക്കാനിറങ്ങുന്നവരെക്കൊണ്ട് തന്നെ ആശാൻ കുഴഞ്ഞിരിക്കുവാ :)
എനിക്ക് കോലുമിഠായി തരണേ, അപ്പന്റെ സർജറി നേരേ നടത്തിത്തരണേ, ഷെയറിനു വിലകൂടണേ, വിസാ കിട്ടണേ എന്നൊക്കെയുള്ള വിളി കേട്ട് കേട്ട് മൂപ്പർ ഇപ്പോ നാലു ഡയസെപ്പാം ഒന്നിച്ചു തിന്നേച്ചാണ് ഉറക്കം !
റിയാസ് ഭായ്,
നന്ദി, ആ വിശദീകരണത്തിന്.
ഈ പോസ്റ്റിലെ കമന്റ് ലിങ്കുകളിൽ ഈ വിഷയം ഡീറ്റെയിൽഡായി തന്നെ മുൻപ് എഴുതിയത് കൊടുത്തിട്ടുണ്ട്. മാഗ്നെറ്റിക് ഫീൽഡ് എന്താണെന്നും അതെങ്ങനെ ഉണ്ടാകുമെന്നും എന്തുകൊണ്ട് ശരീരത്തിനു ചുറ്റും ഈ പറയുന്ന ചേലിക്ക് ഒരു ഫീൽഡ് ഉണ്ടാവില്ല എന്നുമൊക്കെ. ഇതൊക്കെ എത്രയാവർത്തി പറഞ്ഞാലും അവസാനം ഒരു ഡയലോഗുണ്ട് : “നിങ്ങൾക്കനുഭവവേദ്യമല്ലാത്തതൊന്നും ഇല്ലെന്ന് പറയല്ലെ. ” എന്ന് :))
ശാസ്ത്രം എന്നു പറഞ്ഞാൽ “അനുഭവവേദ്യമല്ലാത്തതൊക്കെ ഇല്ല” എന്ന് പറയുന്നതാണെന്ന് ധരിച്ചു വച്ചിരിക്കുന്നവരോട് എന്തു പറയാൻ !
ഡോ. സൂരജ്, കുറേ ദിവസമായിട്ട് വായിയ്ക്കാതെ വിട്ടതൊക്കെ ഇന്ന് വായിച്ച് തീര്ത്തു ഞാന്. ഡോക്ടര് അന്തം വിട്ട് പണ്ടാരമടങി നില്ക്കുന്നത് പോലയാണു സൂരജിന്റെ ഒരോ പോസ്റ്റും വായിയ്ക്കുമ്പോഴ്, ഈ സൂരജ് എങ്ങനെ ഇത്രേം ഡെപ്ത് കൊടുത്ത് എഴുതുന്നു എന്ന് (അതും ശുദ്ധ മലയാളത്തില്!) പിറന്ന വയറിന്റെ പുണ്യം തന്നെ നീയ്യ്!
ReplyDelete(ഈയ്യിടെ ഒരു പ്രോഗ്രാമ്മില് സംഗീത സംവിധായകന് മോഹന് സിത്താരയുടെ കയ്യിലെ ചരട് സമാഹാരം കണ്ട് ഞാന് ഞെട്ടി, ഒരു കെക്യ്യില് തന്നെ ഒരു 9/10 എണ്ണം!, വെള്ളം നനയുമ്പോ ഇച്ചസ് ആവില്ലേ ന്ന് ആണു ആദ്യം ഞാന് ഓര്ത്ത്ത്!)
പിന്നെ ഒന്നുണ്ട്, വിശ്വാസം രക്ഷിയ്ക്കട്ടെ എന്നല്ലേ, വേണ്ടവര്കൊണ്ട് നടക്കട്ടെ. പറയുക, സത്യങളും പരമാര്ഥങ്ങളും നീ എന്നും, അത്ര തന്നെ. പണ്ട് അഞ്ചിലോ മറ്റ് പഠിയ്ക്കുമ്പ്പോഴ്, ഗ്ലാസ് കമഴ്ത്തി വച്ച് അത് വട്ടത്തില് അല്പം കറങിയാല് പരീക്ഷയ്യ്ക്ക് ജയിയ്ക്കും എന്ന് പറഞ് ഉച്ച വെയിലത്ത്മണിക്കൂറോളം ഗ്ലാസ്സിന്റെ മുന്നില് ഇരുന്നിട്ടുണ്ട് ഞാനും :) ആരോടും പറയണ്ട.
ഉഡായ്പ്പിന്റെ വ്യത്യസ്ഥ മാനങ്ങൾ !
ReplyDeleteഅതുല്യാമ്മേ...
ReplyDeleteസന്തോഷം...:))
ഇങ്ങോട്ട് പോരും മുൻപ് വിവരങ്ങൾ പറഞ്ഞ് ഒരു മെയിലിട്ടത് കിട്ടിയോ ?
കൂടുതൽ മെയിലിൽ എഴുതാം.
മോഹൻ സിതാര, മോാഹൻ സീഥാര എന്നും മോഹൻ സീധാര എന്നുമൊക്കെ പേരു മാറ്റി മാറ്റി ഒരു വഴിക്കായി.. ന്യൂമറോളജിക്കാരന്റെ ഒരു യോഗം. നല്ല കുറേ പാട്ടുകൾ ഉണ്ടാക്കിയിരുന്നവൻ (കോപ്പിയടിച്ചാണേലും) ഇപ്പോൾ ന്യൂമറോളജി നോക്കി നോക്കി വീട്ടിലിരുപ്പായി :)
ദേ, സൂരജ് ഡോട്ടറേ അതുല്യാമ്മയുടെ അടുത്ത് പറഞ്ഞതു ഷമിച്ചു,വേറാരുടെ അടുത്തെങ്കിലും സിതാര എന്നു മിണ്ടിപ്പോയാലുണ്ടല്ലോ...
ReplyDeleteങ്ഹാ അപ്പൊ കാണിച്ചു തരാം.
കാവത്സ്..??
ReplyDeleteസിതാര എന്ന് പറയുമ്പോൾ എന്താണൊരു ഡിങ്കോളിഫിക്കേഷൻ കാ സുഡാല്ഫി ?? ങേ ങേ ?? (വാമഭാഗമാ ?;)
മാഷുക്കും വല്ല വൈബ്രേഷനും സെൻസ് ചെയ്യാൻ തുടങ്ങിയോ ??
റംസാന് ആരംഭിക്കുകയായി.
ReplyDeleteമലപ്പുറം “തീറ്റമഹോത്സവ”ത്തിനുള്ള ഒരുക്കങ്ങള് പൂര്ത്തിയാക്കിക്കഴിഞ്ഞു.! മാര്ക്കറ്റുകളില് വില കൂടിയ ആഹാരവസ്തുക്കള് നിറഞ്ഞു. പഴങ്ങളും പച്ചക്കറികളും പിന്നെ ലോഡ് കണക്കിനു കോഴികളും ആടുകളും പോത്തുകളും വന്നെത്തി. അറേബ്യന് നാടുകളില് നിന്നും ടണ് കണക്കിനു കാരക്കയും ഇറക്കിക്കഴിഞ്ഞു. ഇനി ‘മാസം’ കാണുകയേ വേണ്ടൂ! ഉത്സവം ആരംഭിക്കാന് .
ചില മതസംഘടനകള് കഴിഞ്ഞ നോമ്പിന്റെ തുടക്കത്തില് പത്രസമ്മേളനം നടത്തി ആവശ്യപ്പെട്ടത് നോമ്പു പ്രമാണിച്ച് പാചകവാതകത്തിന്റെ സബ്സിഡിയും കോട്ടയും വര്ദ്ധിപ്പിക്കണം എന്നായിരുന്നു. ടി വി ചാനലുകള് ഇക്കാലമായാല് പ്രധാനസ്പെഷ്യല് പരിപാടിയായി കോഴി പൊരിക്കലും മീന് വറുക്കലും ബിരിയാണി വെക്കലുമൊക്കെ കാണിക്കാന് തുടങ്ങും. പത്രങ്ങളിലും വിഭവങ്ങളുടെ വൈവിധ്യവും പുതുമയുമൊക്കെ വാര്ത്തയാകും.
ഖുര് ആന് ശാസ്ത്രക്കാര് നോംബിന്റെ ശാസ്ത്രീയതയുമായി രംഗത്തു വരും.
അര്ദ്ധരാത്രി പോലും മനുഷ്യരെ കിടത്തിയുറക്കാതെ ഉച്ചഭാഷിണി വെച്ചു മതപ്രസംഗവും ഖുര് ആന് ഓത്തും കൊണ്ടു ശബ്ദമുഖരിതമാക്കും .
ഹോട്ടലുകളെല്ലാം അടച്ചു പൂട്ടി യാത്രക്കാരെയും തൊഴിലാളികളെയും പട്ടിണിയാക്കും. വല്ലവരും ചായക്കടയോ ഹോട്ടലോ തുറന്നു വെച്ചാല് ഇസ്ലാമിക സദാചാരപ്പട അതടിച്ചു പൊളിക്കും. .. അങ്ങനെ പറയാനൊരുപാടുണ്ട് ഇവിടെത്തെ നോമ്പു വിശേഷങ്ങള് !
കഴിഞ്ഞ സീസണില് ബ്ലോഗിലിട്ട ഒരു പോസ്റ്റ് താല്പ്പര്യമുള്ളവര്ക്ക് ഒരിക്കല് കൂടി വായിക്കാം:----
നോമ്പിന്റെ ശാസ്ത്രീയത